Yirmeya 30:7 - MUKANDA WA MYIDI MUKULU

⁷ Dituku dia dikenga didi dienda disemena pabuipi. Kakuena dikuabu bu diodi. Makenga neikale miaba yonsu munkatshi mua ndelanganyi ya Yakobe. Kadi nebashale ne muoyi!

Mukanda wa Nzambi Dihungila Dikulukulu ne Dihungila Dihia-dihia 2003

⁷ Aka! Dituku adi didi dinene, kakuena dikuabo bu diodi. Tshidi tshikondo tshia lutatu lua bana ba Yakoba, kadi nebabasungile kudilu.

Yirmeya 30:7 交叉引用

Danyele 12:1

“Mutumibue wa Mvidi Mukulu kungambila kabidi ne: ‘Tshikondu atshi nebafike kudi Mikayele, mfumu wa batumibue ba Mvidi Mukulu, mulami wa bantu bebe. Dituku adi nedikale dia dikenga, didi kadiyi dianji kumueka katshia bafuka bantu, too ne ku diba adi. Pashishe bana benu badi ne mena abu mafunda mu mukanda wa muoyi nebapande.

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Rome 11:26

Ke muasungidilabu bena Izrayele bonsu. Bualu Mukanda wa tshijila udi wamba ne: “Mupikudi neafume mu Siyone. Neumushe buntomboji kudi ndelanganyi ya Yakobe.

Marke 13:19

Bualu mu matuku awu, dikenga nedikale dipite bukole bua makenga onsu adi bantu bamane kumanya katshia bafuka bintu bionsu, too ne mpindiewu, kakuena mua kuikala dikenga difuanangane ne dia mushindu ewu nansha.

Muadi 1:12

Nuenu bonsu badi bapitshila mu njila, luayi nutangile, nujadike ne: kakuena dikenga dikuabu bu dindi nadi edi, didi Mvidi Mukulu muntumine dituku divuaye mufike munda bikole!

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

Bienzedi 2:20

Dituku dinene dia Maweja-Nangila, dituku dia butumbi, kadiyi dianji kufika, diba nediandamuke miidima, ngondu neakunze bu mashi.

Muadi 4:6

Bubi bua tshisamba tshianyi mbupite bua bena tshimenga tshia Sodome, tshivuabu babutule diakamue, kakuyi bantu basumpakane bua kutshisungidila.

Muadi 2:13

Yerushalayime, tshiena ne tshia kukuambila. Kakuena dikenga ditudi mua kufuanyikija ne diebe! Tshifuanyikiji tshikuabu kayi, tshindi mua kutela bua kukusamba, Siyone, nsongakaji musuibue? Dibutuka diebe ndinene bu mayi manene. Kakuena muntu udi mua kudijikija.

Misambu 25:22

Eyi, Mvidi Mukulu, pikula Izrayele, umupandishe ku makenga ende onsu.

Genese 32:7

Bantu bavua Yakobe mutume ne mukenji bua kumonangana ne Esawu, kupinganabu, bambila Yakobe ne: — Tuamonanganyi ne mukuluebe Esawu. Udi ulonda ne bantu nkama inayi bua kusambakena nebe.

Yeshaya 20:6

Dituku adi, badi basomba ku muelelu wa mayi manene, muaba utudi base, nebambe ne: “Monayi tshidi tshienzekela batuvua batekemene! Tuvua basue kunyemena kudibu, bua batupandishe ku tshinyangu tshia kudi mukalenga wa bena Ashure… Watupandisha kabidi mpindiewu nnganyi?”

Yirmeya 2:27

Nudi nuambila lupingu lua mutshi ne: “Wewe ke tatu wetu!” Nudi nuambila lupingu lua dibue ne: “Wewe ke mamu udi mutulele!” Pa mutu pa nuenu kupingana kundi meme Maweja-Nangila, nudi bangele nyima. Kadi panuapeta dikenga, nenumbikile nuamba ne: “Luaku, utupandishe!”

Yirmeya 2:28

Kadi, meme Maweja-Nangila nennukonke ne: “Mvidie inuvua badienzele idi penyi? Pikalayi ne bukole, inusungidile, panudi mu dikenga! Bualu nuenu bena Yuda, bungi bua bimenga bienu, ke bungi bua mvidie yenu.”

Yirmeya 14:8

Kadi bena Izrayele mbakutekemene anu wewe. Bua wewe kubasungidila matuku a dikenga. Kadi wewe kuena muenyi mu ditunga dietu! Wewe kuena muena luendu, udi ulala anu dituku dimue.

Yowele 1:2

Nuenu bakulu, umvuayi! Nuenu bonsu badi basombe mu ditunga dia Yuda, telejayi! Bualu bua mushindu ewu mbumane kuenzeka mu tshikondu tshienu, nansha tshia bankambua benu anyi?

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Zekâya 14:7

Dituku dia pabuadi adi, didi Maweja-Nangila nkayende mumanye, amu munya newikaleku. Bantu kabakusunguluja kabidi munya ne butuku. Nansha dilolu, munya neuteme.

Mika 4:9

— Nuenu bena mu Yerushalayime, nudi nudila nanku mpindiewu bua tshinyi? Nudi nudinyenga bu mukaji ukeba kulela bua tshinyi? Kanuena kabidi ne mukalenga anyi? Bafidi benu ba ngenyi mbamane kulua anyi?

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.