Yirmeya 3:6 - MUKANDA WA MYIDI MUKULU

⁶ Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Yirmeya 3:6 交叉引用

Yezekiyele 23:11

— Okoliba utua mumone mmuabu banyoke muanabu, kadi mua muenze bibi mupite Okola. Utua wenda tshiendenda mupitshishe.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 16:31

Wewe kuasa tshibumba ku tshibuelelu tshia musesu onsu. Uvua muakaje, mu bisalu bionsu, muaba mutumbuke bua umueneke bimpe. Kuuvua nansha mulombe bua bakufile, bu mudibu bonda muena tshiendenda yonsu!

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Yirmeya 3:8

Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.

Yeshaya 57:7

Udi udilongoluela bulalu pa mikuna mitumbuke yonsu. Popu apu ke paudi ubanda bua kulambula milambu.

1 Bakalenga 14:23

Bena Yuda kabidi bavua bibake miaba ya kutendelela mvidie, bibake bibumba bia mabue, bibake kabidi makunji a kutendelela mvidie ku nsongu ya mikuna yonsu, ne muinshi mua mitshi ivua ne dileji dia bungi.

2 Kulondolola 34:1

Yoshiya kubuela mu bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue mu Yerushalayime.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yirmeya 5:11

Maweja-Nangila udi wamba ne: Bulelela, bena mu bukalenga bua Yuda, ne bena mu bukalenga bua Izrayele, bonsu mbantombokele!

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Yezekiyele 23:4

Muanabute uvua Okola, muanamukala Okoliba. Muanabute udi tshimfuanyi tshia Samariya, muibidi tshimfuanyi tshia Yerushalayime. Mvua mubasele bonsu babidi. Bobu kundelela bana ba balume ne ba bakaji.

Osheya 4:13

Badi balambula milambu ku nsongu ya mikuna. Badi bosha musenga wa manananshi pa mikuna, bua muinshi ubande mulu. Badi bimane muinshi mua mitshi: ya nsanga, ne mikuabu. Bualu dileji dia mitshi ayi, didi dibalengelela. Ke padi bana benu ba bakaji benda tshiendenda, bakaji ba bana benu ba balume, batomboka ku mabaka.

Osheya 11:7

Bantu banyi bena Izrayele mbantombokele. Badi babikila mvidie Baale. Kadi mvidie ewu kena mua kubambuluisha to.

Balombodi 2:17

Kadi bena Izrayele kabavua batumikila balombodi abu to. Bavua amu batendelela mvidie ya bantu benyi, bayifuila mpala panshi. Bena Izrayele bavua bumuka lukasa mu njila uvua bankambua babu balonda. Bankambua bavua batumikila mikenji ya Maweja-Nangila, kadi bena Izrayele kabavua bidikija bankambua babu to.

Misambu 106:39

Pakenzabu malu aa, kudipishabu mikiya, mbuendenda mene.

Yeshaya 57:3

Semenayi apa, nuenu, bana ba mukaji muena mbuku, tshisamba tshia bena buendenda ne bena buenzayi.

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.