Yirmeya 3:24 - MUKANDA WA MYIDI MUKULU

²⁴ Biangatshile ku buana buetu, mvidie mubi Baale mmumane kubutula biakudia bionsu bivua baledi betu bapete, bimuna binene ne bikese, bana babu ba balume ne ba bakaji.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi luhingu elu ludi lufuisha bundu luakumana kudia mamuma a midimu ya batatu betu ku buana buetu mene, bisumbu bia mikoko yabo, ne bia bimuna biabo, bana babo balume ne bana babo bakashi.

Yirmeya 3:24 交叉引用

Osheya 9:10

Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Yezekiyele 16:61

Neuvuluke biuvua muenze. Bundu nebukukuate paudi upetangana ne bayayebe ne bakunyi bebe ba bakaji. Nenkupeshabu bua bakuitabe bu bana bebe ba bakaji, nansha biobi kabiyi bitangila malu amvua mukulaye.

Yirmeya 11:13

Mu ditunga dia bena Yuda, tshimenga tshionsu tshidi ne watshi mvidie. Mu musesu onsu wa mu Yerushalayime mudi amu tshilambuilu tshia kulambula mvidie Baale udi utukuatshisha bundu.”

Yirmeya 8:16

Muluishi wenu mmumane kufika ku Dane. Muadi wa tubalu tuende ukadi umvuika. Padi tubalu atu tukekemena, buloba bujima budi buzakala. Padi nyama ya tubalu ayi ifika, bionsu bidi bibutuka. Idi inyanga ditunga ne bintu bionsu bidimu, tshimenga ne bonsu badimu.

Yirmeya 22:21

Mvua mukubele, pavua bualu nansha bumue kabuyi buanji kuenzeka. Kadi wewe kuandamuna ne: “Tshiena musue kuteleja nansha.” Ke muuvua wenza misangu yonsu, biangatshile ku buana buebe! Kuena muteleje musangu nansha umue, bimvua nkuambila.

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?

Yirmeya 9:18

Badi bumvua meyi a muadi atumine ku Siyone, amba ne: “Tudi tukenga, tudi babutuke bikole be! Tudi ne bundu, bualu tudi ne bua kumuka mu ditunga dietu, kabidi bantu mbupule nzubu yetu!”

Yezekiyele 16:19

Bua kuyisankisha, wewe kuyilambula biakudia bionsu bimvua mukupeshe bua wewe kudia: ke bukula buimpe butambe, mafuta ne buitshi. Meme Maweja-Nangila Mvidi Mukulu, ndi njadika bualu ebu.

Yezekiyele 16:20

Uvua muyilambule kabidi bana ba balume ne ba bakaji bautua mundelele. Wewe kubafila bua mvidie ibadie yukute. Kabitua bikumbane bua wewe kuenda tshiendenda tshiebe patupu anyi?