Yirmeya 3:19 - MUKANDA WA MYIDI MUKULU

¹⁹ Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.

Yirmeya 3:19 交叉引用

Yirmeya 3:4

Mpindiewu udi umbikila ne dikamakama, wela mbila ne: “Tatu wanyi, mulunda wanyi wa ku buana,

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Ebrewu 10:39

Tuetu katuena bantu badi bapingana tshianyima. Kadi tudi tuitaba, tulonda njila wa lupandu.

Efeze 1:5

uvua mudianze kujadika nkayende bua kutuenza bana bende mu Yezu Kristu. Ke tshivuaye musue, kabidi ke bivua bimulengelela.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Danyele 11:45

Nease mitanda yende ya bukalenga pankatshi pa mayi manene ne mukuna wa tshijila wa mu ditunga dipite buimpe. Koku aku nkuafuilaye, kakuyi muntu udi mua kumuambuluisha.”

Danyele 11:41

Neakuate ditunga didi dipite buimpe. Neashipemu bantu ba bungi. Kadi bena Edome, bena Mowabe, ne bantu basungula ba bena Amone nebapanduke mu bianza biende.

Danyele 11:16

Kadi udi ufika, ubuela mu ditunga, neenze mudiye musue. Bualu kakuakuikala muntu udi mua kumutuila nkanana. Pajikijaye kubutula miaba yonsu idiye upitshila, neabanze mu ditunga didi dipite buimpe.

Danyele 8:9

“Ku lumue lupite bukese lua ku nsengu ayi, kupatukaku lusengu lupialupia. Kudiundalu ne bukole bupite, lutangila kuinshi, luseke ludi diba dipatukila, ne luseke lua ditunga dipite buimpe.

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Nsumuinu 3:35

Bena meji nebapete diakalenga, batshimbakane nebikale ne bundu.

Misambu 106:24

Pashishe kupetulabu ditunga divuabu bajinga, kubengabu kuitaba dilaya dia Mvidi Mukulu.

1 Petro 1:17

Panudi ntendelela, nudi nubikila Mvidi Mukulu ne: “Tatu”. Yeye kena ne kansungasunga. Udi ukosa nsambu ya bantu amu pa yoyi, bilondeshile malu adi muntu ne mutu muenze. Nanku matuku onsu anutshidi benyi panu, nuleje Mvidi Mukulu kanemu kenu mu bionsu binudi nuenza.

Misambu 16:6

Ke bidi binsankisha, ke diakalenga dindi nadi.

Misambu 89:26

Nemmuteke mfumu wa mayi manene, neatumine misulu ya mayi diyi.

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.