Yirmeya 3:17 - MUKANDA WA MYIDI MUKULU

¹⁷ Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mu tshikondo atshi nebabikile Yelushalema ne, Nkuasa wa bukelenge wa Yehowa; bantu ba mu bisamba bionso nebadisangisheku bua kutumbisha dina dia Yehowa mu Yelushalema; kabena benda kabidi bu muakadi tshitshu tshia mu mitshima yabo mibi.

Yirmeya 3:17 交叉引用

Yezekiyele 43:7

Maweja-Nangila kungambila ne: — Muntu, tangila muaba ewu. Ke muaba udi nkuasa wanyi wa bumfumu. Ke muaba undi ndiata makasa anyi. Nenshale muaba ewu munkatshi mua bena Izrayele kashidi. Bena Izrayele, nansha bakalenga babu, kabena mua kupepeja kabidi dina dianyi dia tshijila, ne buenzavi buabu, padibu bajika munemu bitalu bia bakalenga babu.

Yirmeya 17:12

Nzubu wetu wa tshijila wa Maweja-Nangila udi ne nkuasa wa butumbi, udi ku mutu kua bionsu biangatshile ku ntuadijilu.

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”

Yirmeya 11:8

Kadi bankambua benu bavua babenga kunteleja ne ntema. Bavua batungunuka ne malu abu muvuabu basue, balonda muoyi wabu mubi. Meme kubabela bua bakumbaje ndondu utuvua batue nabu. Bobu kubenga. Ke mumvua ne bua kubanyoka, bilondeshile ndondu wetu awu.”

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yeshaya 56:6

Maweja-Nangila udi wamba ne: “Bantu benyi badi bandamate, bantumbisha, bannanga, basue kuikala bena mudimu banyi, badi banemeka bimpe dituku dia Dikisha, balama ndondu ituvua batue ne tshisamba tshianyi,

Ngalate 4:26

Kadi Yerushalayime wa mu diulu kena mu bupika; yeye ke mamuetu!

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Yirmeya 18:12

Kadi badi bandamuna ne: “Nansha kakese! Katuena basue kuenza malu mimpe. Netuenze anu malu mabi, netuikale bena tshitunu amu mutudi basue.”

Yirmeya 16:12

Nuenu kabidi nudi nuenza malu mabi mapite, avua baledi benu kabayi benza. Yonsu wa kunudi udi unanukila kuenza anu malu mabi ne muoyi mubi wa tshitunu. Muntu nansha umue kena uteleja tshindi ngamba.

Yirmeya 14:21

Kadi, vulukabiuvua mutulaye. Bua lumu lua dina diebe, kupepeji Yerushalayime, tshimenga tshidi ne nkuasa webe wa butumbi.

Yirmeya 9:14

Nanku, meme Maweja-Nangila wa bukole buonsu Mvidi Mukulu wa bena Izrayele ndi ngamba ne: Nendishe bantu aba biakudia bia bululu, nembanuishe mayi mabi adi ne lulengu.

Yirmeya 7:24

Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Yeshaya 26:8

Maweja-Nangila, bua tumone mua kukumbaja biudi wewe musue, tudi tutekemena amu kuudi. Kutela dina diebe, kukuela mbila, ke tshidi mutshima wa muntu yonsu ujinga.

Yeshaya 6:1

Mu tshidimu tshia lufu lua mukalenga Uziya, meme kumona Maweja-Nangila musombe mu nkuasa wa bukalenga mutumbuke. Nzemba ya tshinkutu tshiende miuwule nzubu wa Mvidi Mukulu tente.

Misambu 87:3

Wewe tshimenga tshia Mvidi Mukulu, Mvidi Mukulu udi ukutumbisha wamba ne:

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Balombodi 2:19

Kadi pavua mulombodi awu ufua, bena Izrayele bavua babenga tshiakabidi Maweja-Nangila, bipite too ne pa bankambua babu. Bavua anu batendelela mvidie ya bantu benyi, badiela panshi kumpala kuayi bua kuyitendelela. Kabavua balekela buenzayi buabu, nansha tshitunu tshiyuabu natshi.

Dibadika 15:39

Nanku, nuvuale bilamba bitela ne malenda. Panuikala numona malenda awu, nenuvuluke mikenji yanyi bua kuyikumbaja. Kabidi kanuakutendelela mvidie, bua kulonda majinga enu mabi ne lukuka luenu.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Yezekiyele 1:26

Pavua kabidi dibue dia mushinga mukole dia Safire, divuabu basonge bu nkuasa wa bukalenga. Pa mutu pa nkuasa wa bukalenga apu, pavua pamueneka bu muntu.

Yeshaya 66:18

Udi mumanye malu mabi adibu benza, ne meji adibu bela. Maweja-Nangila udi wamba ne: Ndi makasa mu njila. Nkadi pa kusangisha bantu ba mu bisamba bionsu, ba miakulu yonsu, bua bamone lumu lundi nalu.

Yirmeya 3:19

Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Yirmeya 12:15

Pashishe, nemfuile tshiakabidi bantu banyi aba luse. Nempingaje muntu yonsu kuabu. Nemmupingajilamu ne bintu biende.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Yezekiyele 48:35

Bimana bionsu bidi binyungulula tshimenga pamue, bidi ne bule bua metre binunu tshitema. Nanku, tshimenga etshi nebatshinyike ne: “Maweja-Nangila udiku.”

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”

1 Bakalenga 8:41

“Padi bantu batumbisha dina diebe dia butumbi, bamanyishangana bukole buudi wenza nabu bishima, bantu benyi nebumvue lumu alu. Nanku, muntu muenyi yonsu udi kayi wa mu tshisamba tshia bantu bebe bena Izrayele, padiye ufuma kule, ufika mu nzubu emu bua kukutendelela,

Misambu 102:23

padisangisha bantu popamue, padisangisha makalenga bua kutendelela Maweja-Nangila.