Biblia Todo Logo
在线圣经

- 广告 -




Yirmeya 3:14 - MUKANDA WA MYIDI MUKULU

14 Maweja-Nangila udi wamba ne: Nuenu bana bavua bambenge, pinganayi. Meme ke mfumuenu. Nensungule muntu umue mu tshimenga etshi, bantu babidi mu musoku wawa, bua kubapingaja mu Siyone.

参见章节 复制

Mukanda wa Nzambi Dihungila Dikulukulu ne Dihungila Dihia-dihia 2003

14 Yehowa udi wamba ne, Hinganai kundi, nuenu bana banyi bakadi bandekela, bualu bua ndi bayenu. Nennusungulule, muntu umue ku musoko umue, bantu babidi ku diku ne ku diku, nendue nʼenu ku Siona.

参见章节 复制




Yirmeya 3:14
31 交叉引用  

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku


Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.


Bualu uvua mukufuke, ke washala bu bayebe. Ke yeye udibu binyika ne: “Maweja-Nangila muena bukole buonsu.” Yeye ke wa tshijila wa Izrayele, udi ukupandisha. Yeye mene ke udibu binyika ne: “Mvidi Mukulu wa buloba bujima.”


“Meme nkayanyi nensangishe mikoku idi mishale ne muoyi mu matunga amvua muyitangalaje. Nenyipingaje mu mpata yayi bua imone mua kudia kudiunda, kuvulangana.


Yuda mmujadike mumvua mupeshe Izrayele muena tshiendenda mukanda wa kushipa nawu dibaka, mumvua mumubenge, mumulekele bua tshiendenda tshiende. Kadi Yuda ntomboji kena utshina to. Kena umona bionsu ebi bu bualu to. Yeye mene ukadi ubanga kuenda tshiendenda.


— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.


Wewe Izrayele, nansha muvua bantu bebe bungi bu lusenga lua ku muelelu wa mayi manene, kadi amu bakese nebapingane kudi Maweja-Nangila. Wewe neubutuke, bualu nebakunyoke muvuabu bakose tshilumbu.


Ku bantu dikumi, anu umue neapanduke ku tshinyangu. Yeye awu neabutuke kabidi. Neikale bu lutonga ludi lutoloka ku tshikuku tshia lusanga, nansha tshia mutshi wa terebinte. Nebaludie kudi nyama. Kadi tshikuku tshidi tshishala, netshisangule bantu badi banemeka Maweja-Nangila.


Yeshaya kabidi bualu bua bena Izrayele mmuambe ne: “Nansha bena Izrayele bungi bu lusenga lua ku muelelu wa mayi manene, kadi anu kasumbu ka bantu ba munkatshi muabu nekapande.


Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?


Mu Izrayele nemushale bantu bakese, amu bu padibu bamane kupola bimuma bia olive, kushala amu tumuma tubidi nansha tusatu mu katongobela, tunayi nansha tutanu ku matamba. Ke Maweja-Nangila Mvidi Mukulu wa bena Izrayele udi ujadika nanku.


Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.


Nuenu bena Izrayele, pinganayi kudi Maweja-Nangila, unuvua balengulule bikole.


Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.


Nanku, ndi nkutuma bua uye kuela mbila luseke lua ku mutu kua ditunga ne: Wewe Izrayele muena tshiendenda, pingana. Tshiena mukufikile kabidi munda to. Bualu ndi ne luse. Tshiena nshala ne lukuna kashidi to. Meme Maweja-Nangila ndi njadika nanku.


Nennumushe mu bisamba bionsu ne miaba yonsu imvua munutangalaje. Nennusangishe, nnupingaje muaba ewu umvua munukuatshishe bua kunutuma mu bupika. Meme Maweja-Nangila ndi njadika nanku.


Dituku adi batentekedi nebele mbila pa mikuna ya Efrayime bamba ne: ‘Tuyayi ku mukuna wa Siyone kudi Maweja-Nangila Mvidi Mukulu!’ ”


Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.


Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.


Bantu bava Izkiya mutume abu, kuendakanabu mu buloba bua bena Izrayele ne bua bena Yuda. Mikanda ivuabu nayi ayi, bavua bayitua tshiala kudi mukalenga Izkiya ne bakulu ba mu ditunga diende. Bilondeshile bulongolodi bua mukalenga Izkiya, bantu abu bavua bamba ne: — Nuenu bena Izrayele bavua bapanduke ku mvita ya bena Ashure, pinganayi kudi Maweja-Nangila Mvidi Mukulu wa Abrahame, wa Izake ne wa Yakobe. Diba adi, Yeye neapingane kunudi.


Kadi dituku adi, Maweja-Nangila, neanowe, ashipule miepu yende ya ntete, ya ku musulu wa Perate, too ne ya ku musulu wa mu Ejipitu. Nenku, nuenu bena Izrayele, nennusangishe muntu ne muntu.


Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”


Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!


Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.


跟着我们:

广告


广告