Yirmeya 28:1 - MUKANDA WA MYIDI MUKULU

¹ Tshidimu atshi, mu ngondu muitanu wa tshidimu tshinayi tshivua Sedekiya mu bukalenga bua bena Yuda, muambi Ananiya, muana wa Azure, wa mu tshimenga tshia Ngibone, uvua mu nzubu wa Mvidi Mukulu. Kuambilaye Yirmeya, batuangaji, ne bantu bakuabu bonsu bavua muaba awu, bamuteleja, ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu atshi mene, ku tshibangidilu tshia bukokeshi bua Sedekiya, mukelenge wa Yuda, mu tshidimu tshiabu tshinai ne ngondo wabu muitanu, Hananya, muana wa Azû, muprofete wa ku musoko wa Gibeona, wakangambila ai mu nsubu wa Yehowa, ku mesu kua bakuidi ne bantu bonso ne,

Yirmeya 28:1 交叉引用

Yirmeya 27:1

Sedekiya, muana wa Yoshiya, kudiaye bumfumu mu bukalenga bua bena Yuda. Matuku makese mamane kupita, Maweja-Nangila kumanyisha Yirmeya ne:

Yoshua 9:3

Kadi bena Ngibone bavua bena Ivi, kumvuabu muvua Yoshuwa munyangakaje tshimenga tshia Yeriko ne tshia Ayi.

Yirmeya 37:13

Uvua mupitshile ku tshiibi tshia Binyamine. Kupetanganaye ne mfumu wa balami ba bena mvita, dina diende Iriya, muana wa Shelemiya, ne muikulu wa Ananiya. Iriya kuimanyika muambi Yirmeya, kumuambila ne: — Udi uya kudi bena Babilone bua kubambuluisha anyi?

Yirmeya 36:12

Kupuekaye mu nzubu wa bukalenga, too ne ku muaba uvua mufundi wa mikanda musombe. Balombodi bonsu ba mu bukalenga bavua mu tshisangilu. Muaba awu uvua Elishama, mufundi wa mikanda ya mu bukalenga, Delaya, muana wa Shemaya, Elnatane, muana wa Akbore, Ngemariya muana wa Shafane, Sidekiya, muana wa Ananiya, ne balombodi bakuabu bonsu ba mu bukalenga.

Yirmeya 28:11

Pashishe kuambilaye bantu bonsu bavua muaba awu ne: — Maweja-Nangila udi wamba ne: “Nkushale amu bidimu bibidi bua meme kutshibula amu mushindu ewu mutshi wa bupika udi mukalenga Nebukadnesare, mukalenga wa mu Babilone muteke pa makaya a bena bisamba bionsu.” Ke muambi Yirmeya kumuka muaba awu, kuya muaba mukuabu.

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 27:3

Pashishe, uyitume kudi mukalenga wa bena Edome, wa bena Mowabe, wa bena Amone, kudi mukalenga wa bena Tire, too ne kudi mukalenga wa bena Sidone. Bua bakalenga aba bayipete, ufile mitshi eyi kudi bamienampala ba bakalenga abu bavua bafika mu Yerushalayime bua kumonangana ne Sedekiya mukalenga wa bena Yuda.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Yoshua 10:12

Dituku divua Maweja-Nangila muambuluishe bena mvita ba bena Izrayele bua kutshimuna bena Amore, Yoshuwa uvua utendelela Maweja-Nangila, bena Izrayele bonsu bateleje. Uvua ulomba, wamba ne: — Diba dimanakane mulu, mu tshimenga tshia Ngibone! Ngondu imanakane mulu mu tshibandabanda tshia Ayalone!

1 Bakalenga 3:4

Dituku dikuabu, mukalenga Shelomu kuya ku Ngibone bua kulambula milambu, bualu Ngibone uvua muaba wa tshjila mupita kumanyika ku yonsu. Shelomu uvua mumane kulambula milambu ya kuosha mipite bungi, nkama ne nkama pa tshilambuilu tshivua muaba awu.

2 Bakalenga 24:18

Sedekiya kudia bukalenga, muikale ne bidimu makumi abidi ne tshimue. Kushalaye mu bukalenga bidimu dikumi ne tshimue mu Yerushalayime. Mamuende wa Sedekiya uvua Amutale, muana wa Irmeya, wa mu tshimenga tshia Libna.

2 Kulondolola 36:11

Sedekiya kubuela mu bukalenga muikale ne bidimu makumi abidi ne tshimue. Kushalaye mu bukalenga bidimu dikumi ne tshimue mu Yerushalayime.

Yirmeya 28:5

Kadi muambi Yirmeya kuandamuna muambi Ananiya, batuangaji ne bantu bakuabu bonsu bavua mu nzubu wa Mvidi Mukulu bamuteleja ne:

Yirmeya 28:17

Nanku muambi Ananiya kufua tshidimu atshi mu ngondu wa muanda mutekete.

Yirmeya 37:19

Bambi benu bavua banuambila ne: mukalenga wa mu Babilone kena ubuela mu ditunga edi bua kunuluisha, wewe ne bena ditunga edi, lelu badi penyi?

Yirmeya 49:34

Maweja-Nangila uvua muambile muambi Yirmeya mukenji udi utangila bena Elame. Mukenji ewu uvua mumuambilewu ku ntuadijilu kua bukalenga bua Sedekiya, mukalenga wa bena Yuda.

Yirmeya 51:59

Seraya, muana wa Neriya, ne muikulu wa Masheya, uvua mulombodi wa bena mvita, muambuluishi wa Sedekiya, mukalenga wa bena Yuda. Tshidimu tshinayi tshivua Sedekiya mu bukalenga, Seraya uvua muye pamue ne mukalenga ku Babilone. Yirmeya uvua mufunde mu mukanda, makenga onsu avua ne bua kukuata bena Babilone, ne mikenji yonsu ivua ibatangila, ituvua bafunde kumpala eku. Yirmeya kuambila Seraya ne:

Osheya 7:3

Maweja-Nangila udi wamba ne: Badi basankisha mukalenga wabu, eku bamusokoka meji mabi adibu nawu. Badi baseka ne balombodi ba mu bukalenga, eku babasokoka bidibu basue kuenza.

Yirmeya 29:15

“Maweja-Nangila udi unuambila bionsu ebi, bualu nudi nuamba ne: Maweja-Nangila mmututumine tuetu bambi mu Babilone.

Yezekiyele 13:6

Bambi aba badi bambila bantu malu a dishima, babadinga. Badi bamba ne: “Telejayi malu adi Maweja-Nangila unumanyisha.” Kadi meme Maweja-Nangila tshivua mubatume to. Kadi badi amu batekemena bua nkumbaje miaku yabu.