Yirmeya 26:19 - MUKANDA WA MYIDI MUKULU

¹⁹ Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Hezikiya, mukelenge wa Yuda, ne ba mu Yuda bonso bakamushiha, anyi? Hezikiya kakatshina Yehowa, kakasengelela Yehowa bua kumuha diakalengele, anyi? Ne Yehowa kakakudimuna mutshima wandi bua makenga akadiye musue kubatumina, anyi? Nunku tuetu tudi tuamba kudivuishila dikenga dinene.

Yirmeya 26:19 交叉引用

2 Samuele 24:16

Mutumibue wa Maweja-Nangila kuolola tshianza mu tshimenga tshia Yerushalayime bua kutumamu tshipupu. Kadi Maweja-Nangila kubenga. Kuambilaye mutumibue uvua ubutula bantu ne: — Kuajiki, puekesha tshianza! Diba adi, mutumibue wa Maweja-Nangila uvua pabuipi ne muaba uvua Aravna, muena Yebusa, ushipula ntete ya kuenza bukula.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Bienzedi 5:39

Kadi pikalabi bifuma bulelela kudi Mvidi Mukulu, kanuakubibutula nansha. Dimukayi: pamue apa nudi nuluisha Mvidi Mukulu! Bena Tshipangu bonsu kuanyisha lungenyi lua Ngamaliyele alu.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 37:1

Mukalenga Izkiya mumane kumvua bionsu bivuabu bambe, kudipandaye bilamba biende. Kuvualaye bilamba bia madilu. Kuyaye mu nzubu wa Maweja-Nangila.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Abakuke 2:10

Tshinyangu tshienu katshiena ne tshipeta; netshifuishe bena meku enu amu bundu. Panudi babutule bisamba bivule bia bantu, nudi badibutule anu nuenu nkayenu.

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?

Yirmeya 26:15

Kadi nuenu banshipe, numanye ne: nudi bashipe muntu udi kayi ne bualu. Nanku nebanunyoke bualu buanyi, nuenu ne bantu bonsu badi basomba mu tshimenga etshi. Bualu Maweja-Nangila mmuntume menemene bua kunuambila malu onsu aa.

Yirmeya 26:3

Ndi mutekemene se: nebateleje. Muntu yonsu adilengeje. Ndi musue kubatumina dikenga bua malu mabi adibu benza. Kadi bobu bateleje, tshiakubanyoka to.

Yeshaya 26:21

Maweja-Nangila udi upatuka mu nzubu muende, bua kunyoka badi pa buloba, bualu bua malu mabi avuabu benze. Bavua bapumune, basokoke mu buloba, mashi a bantu bavua kabayi ne bualu. Kadi buloba kabuena buabuikila kabidi to. Nebuleje patoke bantu bavuabu bashipe.

2 Kulondolola 34:21

— Nuye kukonka Maweja-Nangila buanyi meme, bua bena Izrayele, ne bua bena Yuda bonsu badi bashale ne muoyi, bua tumanye tshitudi mua kuenza, bua malu onsu adibu bafunde mu mukanda udibu bangule ewu. Bualu, bankambua betu kabavua bakumbaja mikenji ivuabu bafundamu to. Ke padi Maweja-Nangila mutufikile munda bikole.

2 Kulondolola 32:20

Pashishe, mukalenga Izkiya ne muambi Yeshaya muana wa Amosa, kutendelelabu Maweja-Nangila, bamulomba diambuluisha.

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Zekâya 7:2

Bena Betele bavua batume Sharesere, Regeme-Meleke, ne bantu bakuabu, mu nzubu wa Maweja-Nangila wa bukole buonsu. Bayua babatume bua kulomba luse kudi Maweja-Nangila,