Yirmeya 25:3 - MUKANDA WA MYIDI MUKULU

³ — Kutuadija ku tshidimu tshia dikumi ne tshinayi tshivua Yoshiya, muana wa Amone, mu bukalenga bua bena Yuda too ne lelu, kukadi bidimu makumi abidi ne bisatu bindi nnubela, tshiyi ndekela, nnuambuluila amu malu adi Maweja-Nangila ummanyisha. Kadi kanuena nuateleja to.

Mukanda wa Nzambi Dihungila Dikulukulu ne Dihungila Dihia-dihia 2003

³ Ku tshidimu tshia dikumi ne tshisatu tshia bukokeshi bua Yoshiya, muana wa Amona, mukelenge wa Yuda, tô ne ku dituku edi, bidimu ebi makumi abidi ne bisatu, dî dia Yehowa diakalua kundi, ne nakunuambiladi, njuka bianyi dinda dionso bua kunuambiladi, kadi kanuakunvua.

Yirmeya 25:3 交叉引用

Yirmeya 26:5

Nulame malu adibu banuambila kudi bambi bena mudimu banyi. Mvua munutumine bambi matuku onsu, kadi kanuvua babateleje to.

Yirmeya 11:7

Bu mumvua nsengelela bankambua benu matuku amvua mubapatule mu Ejipitu, ke mundi nnusengelela nuenu lelu. Ndi nnuambila ne: Itabayi bindi nnuambila.

Yirmeya 1:2

Yoshiya, muana wa Amone, mumane kulala mu bukalenga bua bena Yuda bidimu dikumi ne bisatu, Maweja-Nangila kutuadija kuambila Yirmeya malu onsu aa.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 29:19

Bushuwa Maweja-Nangila udi wamba ne: kabavua bateleja bimvua mubambile. Meme kubatumina misangu yonsu bantu banyi bambi, bobu nansha kubateleja to.

2 Kulondolola 34:8

Yoshiya mumane kulala mu bukalenga bidimu dikumi ne muanda mukulu, dituku dikuabu uvua umusha mikiya mu ditunga ne mu nzubu wa Mvidi Mukulu. Yoshiya kutuma Shafane, muana wa Ashaliya kudi Masheya, mulombodi wa tshimenga, ne kudi Yowa, muana wa Yowakaze, mufikishi wa malu a mukalenga kudi bantu, bua baye kulongolola nzubu wa Maweja-Nangila Mvidi Mukulu wende.

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

Yowanane 8:47

Muntu wa Mvidi Mukulu udi uteleja miaku ya Mvidi Mukulu. Kadi nuenu kanuena ba Mvidi Mukulu to. Ke panudi kanuyi nunteleja.

Yowanane 8:2

Butshia dinda dionsu, kupinganaye mu nzubu wa Mvidi Mukulu. Bantu bavule kutantshila kudiye. Yezu usomba kubangaye kubalongesha.

Marke 1:35

Dinda dionsu, butuku kabuyi buanji kutshia, Yezu kujuka, kupatuka mu nzubu. Kumukaye mu tshimenga, kuyaye muaba wa pa nkayende, kubangaye kutendelela.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Yirmeya 25:4

Maweja-Nangila uvua unutumina amu kunutumina bambi bena mudimu bende, kadi kanuena babateleje nansha. Kanuvua bateya matshi bua kumvua tshivuabu bamba.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Misambu 81:13

Nenku, meme kubalekela mu tshitunu tshiabu, bua benze tshidibu basue.

1 Bakalenga 22:3

Kadi, Akabe uvua mumane kuambila balombodi ba mu bukalenga buende ne: “Nudi bamanye bimpe ne: tshimenga tshia Ramote, tshidi mu ditunga dia Ngilaade, ntshietu. Tudi tutshina bua kuya kukuata tshiakabidi tshimenga tshietu etshi, kudi mukalenga wa bena Siriya bua tshinyi?”

Ekesode 8:20

Maweja-Nangila kuenza tshishima atshi, kutuma njiji mipite bungi. Njiji ayi kunyanga ditunga dijima dia Ejipitu. Ivua mu nzubu mua mukalenga, mu nzubu mua balombodi ba mu bukalenga buende, ne mu nzubu ya bantu bonsu.

Genese 22:3

Butshia Abrahame kujuka ne dinda dionsu, kuangata muanende Izake, bena mudimu bende babidi, mpunde wende ne nkunyi. Kuyaye muaba uvua Mvidi Mukulu mumuambile bua kulambula mulambu.

2 Kulondolola 34:1

Yoshiya kubuela mu bukalenga muikale ne bidimu muanda mukulu. Kushalaye mu bukalenga bidimu makumi asatu ne tshimue mu Yerushalayime.

2 Kulondolola 36:15

Maweja-Nangila Mvidi Mukulu wa bankambua ba bena Izrayele, uvua munange bikole bantu bende bena Izrayele, munange kabidi ne nzubu wende wa tshijila. Kutumaye bantu misangu ya bungi bua kumanyisha bena Izrayele majinga ende.

Yirmeya 7:25

Biangatshile difuku divua bankambua benu bapatuke mu Ejipitu too ne mpindiewu, meme Maweja-Nangila ndi amu nnutumina bambi bena mudimu banyi ku dituku ku difuku.

Yirmeya 32:33

Pa mutu pa kupingana kundi meme, badi amu bambenga. Eku meme mvua mbabela amu kubabela. Kadi muntu nansha umue kena muitabe, ki mmuteleje mene mibelu yanyi.

Yirmeya 35:14

Yonadabe, muana wa Rekabe, uvua mukandike bana bende bua kabanu maluvu a mvinyo to. Bena Rekabe kuitaba miaku yende too ne lelu. Ki mbanue maluvu a mvinyo to. Bualu bavua bitabe mukenji wa kudi nkambua wabu. Meme Maweja-Nangila kunubela misangu ne misangu, kadi kanuena nunteleja to.

Yirmeya 36:1

Mu tshidimu tshinayi tshia bukalenga bua Yoyakime, muana wa Yoshiya, mukalenga wa bena Yuda, Maweja-Nangila kuambila Yirmeya ne:

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.

2 Bakalenga 17:13

Maweja-Nangila kutuma bambi bashilangane bua bahele bena Izrayele ne bena Yuda, babambila ne: — Lekelayi buenzayi. Tumikilayi meyi ne mikandu yanyi bidi mu mikenji imvua mupeshe bankambua benu, ne imvua munutumine kudi bambi, bantu banyi.

2 Kulondolola 24:19

Pashishe, Mvidi Mukulu kubatumina bambi bua bababele, bua bapingane kudiye. Kadi, muntu nansha umue kavua muteleje bambi abu to.

Yirmeya 19:15

— Maweja-Nangila Mvidi Mukulu wa Izrayele udi wamba ne: “Nentume makenga onsu amvua muambe ku tshimenga etshi ne mu misoku idi pabuipi natshi. Bualu badi basamu mbantombokele. Kabena bateleja diyi dianyi.”

Yirmeya 22:21

Mvua mukubele, pavua bualu nansha bumue kabuyi buanji kuenzeka. Kadi wewe kuandamuna ne: “Tshiena musue kuteleja nansha.” Ke muuvua wenza misangu yonsu, biangatshile ku buana buebe! Kuena muteleje musangu nansha umue, bimvua nkuambila.

Yezekiyele 33:4

Padi muntu mumvue mpungi, ulengulula, baluishi bamukuate, bamushipe, yeye nkayende mmudikebele lufu.

Zekâya 1:4

Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.