Yirmeya 24:7 - MUKANDA WA MYIDI MUKULU

⁷ Nembapeshe bukole bua kumanyabu ne: meme ndi Maweja-Nangila. Nebapingane kundi ne muoyi wabu mujima. Nanku, nebikale bantu banyi, meme nengikale Mvidi Mukulu wabu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nembahe mitshima ya kummanya ne, Meme ndi Yehowa; bobo nebikale bantu banyi, ne meme nengikale Nzambi wabo; bualu bua nebahingane kundi ne mitshima yabo mijima.

Yirmeya 24:7 交叉引用

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

Yirmeya 30:22

Nuenu nenuikale tshiakabidi bantu banyi. Meme nengikale Mvidi Mukulu wenu.

Yezekiyele 37:23

Kanuena nudinyanga kabidi pa kutendelela mvidie mikuabu ya manyanu, pa kuenza malu mabi a mishindu yonsu. Nennusungidile bua nulekele mibi yonsu ivua inupetesha tshibawu kundi. Nennumushe mikiya. Nenuikale bantu banyi, meme nengikale Mvidi Mukulu wenu.

Zekâya 8:8

Nembumushe ku matunga awu, bua kusombabu mu Yerushalayime. Nebikale bantu banyi, meme nengikale Mvidi Mukulu wabu. Nengikale mukalenga wabu, wa muoyi umue, udi ukosa nsambu pa yoyi.”

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.

Yezekiyele 37:27

Nensombe munkatshi muenu. Nengikale Mvidi Mukulu wenu. Nuenu nenuikale bantu banyi.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Yeshaya 51:16

Ndi mbalula tshiakabidi diulu, ndi nshindika kabidi buloba. Nengambile bena mu Yerushalayime ne: “Nuenu nudi bantu banyi. Ndi nnupesha mikenji yanyi. Nennusokoke mu tshianza tshianyi.”

2 Kulondolola 6:38

bobu bakulomba ne muoyi wabu mujima bua wewe kubafuila luse mu ditunga mudibu mu bupika, bobu bakudimuke batangile ku ditunga diuvua mumane kupesha bankambua babu, batangile ku Yerushalayime, tshimenga tshiuvua musungule, ne ku nzubu ewu undi mukuibakile, bobu bakutendelela,

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Yirmeya 7:23

Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 11:4

Mu matuku amvua mupatule bankambua benu mu dikenga dikole mu Ejipitu, meme kutua nabu ndondu. Meme kubambila ne: Nuteleje bionsu bindi nnuambila, nubikumbaje. Nanku, nenuikale bantu banyi, meme nengikale Mvidi Mukulu wenu. Ke mukenji undi nnuelela.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yezekiyele 14:11

Nanku bena Izrayele kabakumuka kabidi kundi muaba mule bua kuya kujimina. Kabakupeta kabidi mikiya bua buenzavi buabu bupite bunene. Kadi nebikale bantu banyi, meme nengikale Mvidi Mukulu wabu. Meme Maweja-Nangila Mvidi Mukulu, ndi ngamba malu onsu aa.”

Yezekiyele 16:62

Nentue tshiakabidi nebe ndondu. Neujadike ne: meme ndi Maweja-Nangila.

Yezekiyele 39:22

Biangatshile dituku adi, bena Izrayele nebajadike ne: meme ndi Maweja-Nangila Mvidi Mukulu wabu.”

Yezekiyele 11:17

Ubambile ne: meme Maweja-Nangila Mvidi Mukulu, ndi mbalaya ne: “Nennusangishile ku bisamba ne ku matunga kumvua munutume. Nennupingajile ditunga dia Izrayele.

Osheya 2:22

Eyowa, nenkumbaje bionsu bindi mukulaye. Nanku neundamate, neujadike ne: meme ndi Maweja-Nangila.