Yirmeya 23:9 - MUKANDA WA MYIDI MUKULU

⁹ Ke miaku ya Yirmeya idi itangila bambi. Ndi ne kanyinganyinga, ndi nzakala mubidi mujima, ndi bu muntu mukuatshike maluvu, bu muntu uvua munue mvinyo mupite bungi. Anu bualu bua Maweja-Nangila, bualu bua Mvidi Mukulu wa tshijila, ne bua malu adiye mungambile ne:

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua baprofete: Mutshima wanyi udi uhandika munda muanyi, mifuba yanyi yonso idi ikanka; ndi bu muntu mukuatshike maluvu, ne bu muntu udi maluvu a nvinyo mahite bukole, bualu bua Yehowa ne bua mei andi a tshijila.

Yirmeya 23:9 交叉引用

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Muadi 3:15

Kunnuishaye bintu bia bululu. Dikenga kunkuata bu maluvu.

Yeshaya 51:21

Kadi nuenu, bena Yerushalayime badi mu dikenga, badi benda batetuka bu bantu bavua bakuatshika maluvu, telejayi tshindi ngamba.

Misambu 60:3

Mvidi Mukulu wanyi, wewe uvua mutunyemeshe, munyangakaje mualu wetu wa mvita. Bushuwa uvua mufike munda. Kadi mpindiewu utupingajile bukole buetu!

Rome 7:9

Kale mvua ne muoyi, bualu mikenji kayivuaku. Kadi pafiki meyi ne mikandu, bubi kutuadija.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yeshaya 29:9

Nenukeme kanuyi mua kuamba bualu. Nenuikale bamfofu kanuyi mua kumona. Nenukuatshike, kanuyi banue maluvu. Nenutetuke, kanuyi banue tshintu.

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yirmeya 36:16

Balombodi ba mu bukalenga bamane kumvua bionsu, kutangilanganabu ne bowa. Kuambilabu Baruke ne: — Bidi bimpe, tuambile mukalenga malu aa onsu.

Yezekiyele 13:3

Meme Maweja-Nangila Mvidi Mukulu, ndi ngamba ne: Dikenga nedikuate bambi batshimbakane aba! Badi balonda amu lungenyi luabu bobu, baleja bantu malu a dishima.