Yirmeya 23:8 - MUKANDA WA MYIDI MUKULU

⁸ Kadi nebaditshipe bamba ne: “Ndi nditshipa mu dina dia Maweja-Nangila udi ne muoyi uvua mupatule bena Izrayele mu matunga a ku mutu kua ditunga ne mu matunga onsu avuaye mubatangalaje, bua basombe tshiakabidi mu ditunga diabu!”

Mukanda wa Nzambi Dihungila Dikulukulu ne Dihungila Dihia-dihia 2003

⁸ kadi nebambe ne, Bu mudi Yehowa ne muoyo wakaluhula ne wakalombola bana ba Bena Isalele ku buloba bua ku nôde ne ku maloba onso kunakabihata. Nebashikame mu buloba buabo mene.

Yirmeya 23:8 交叉引用

Yezekiyele 34:13

Ndi nya kuyikeba mu matunga a bantu benyi mudiyi misombe. Nenyisangishe, nyipingaje mu ditunga diayi. Nennye nayi pa mikuna ya mu Izrayele, mu bibandabanda, miaba yonsu ya mu ditunga idi bantu basombe.

Sefanya 3:20

Diba adi, nennupingaje mu ditunga dienu, nennusangishe muaba umue. Nenudimuene mundi nkudimuna dikenga dienu. Nennupeshe butumbi ne lumu, munkatshi mua bantu bonsu ba pa buloba. Meme Maweja-Nangila ndi ngamba nanku.”

Yezekiyele 39:28

Nembumushe mu bisamba bikuabu mumvua mubatume mu bupika, mbasangishe mu buloba buabu, tshiyi nshiya muntu wabu nansha umue panyima. Nanku nebajadike ne: meme ndi Maweja-Nangila Mvidi Mukulu wabu.

Yezekiyele 37:25

Nenusombe mu ditunga dimvua mupe muntu wanyi Yakobe, mutua bankambua benu basombe. Nenushalemu kashidi, nuenu, bana benu, ne ndelanganyi yenu yonsu. Muntu mufuanangane ne muntu wanyi Davide, neashale mukalenga wenu kashidi.

Yezekiyele 36:24

“Pandi mumane kunumusha munkatshi mua matunga a bantu munuvua, nennusangishe, nnupingaja mu ditunga dienu.

Yirmeya 23:3

“Meme nkayanyi nensangishe mikoku idi mishale ne muoyi mu matunga amvua muyitangalaje. Nenyipingaje mu mpata yayi bua imone mua kudia kudiunda, kuvulangana.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yirmeya 8:3

Maweja-Nangila wabukole buonsu udi wamba ne: Bena mu ditunga edi bikale bashale ne muoyi, miaba yonsu indi mbatangalaja, nebajinge kufua pa mutu pa kushala ne muoyi.

Yirmeya 16:15

Kadi nebambe ne: “Ndi nditshipa mu dina dia Maweja-Nangila udi ne muoyi, udi mumushe bena Izrayele mu ditunga dia ku mutu, ne mu matunga makuabu avuaye mubatume mu bupika!” Bualu nembapingaje mu buloba buabu, bumvua mupeshe bankambua babu.

Yirmeya 29:14

Nennumushe mu bisamba bionsu ne miaba yonsu imvua munutangalaje. Nennusangishe, nnupingaje muaba ewu umvua munukuatshishe bua kunutuma mu bupika. Meme Maweja-Nangila ndi njadika nanku.

Yirmeya 30:3

Bualu ndi nkuambila ne: dituku nedifike, dingapikula bantu banyi bena Izrayele mu bupika, kabidi ne bena Yuda. Nembapingaje mu ditunga dimvua mupeshe bankambua babu. Nebasombemu tshiakabidi. Ke tshindi meme Maweja-Nangila ngamba.

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Yirmeya 31:8

Eyowa, meme Maweja-Nangila ndi mbasangisha ku matunga a ku mutu. Ndi mbakunguja ku ntengu ne ntengu ya buloba. Bantu bonsu nebikaleku: bampofu, ne badi batebuka, bakaji badi ne mafu, ne bakadi balele. Bantu banyi bonsu nebapingane tshisumbu tshinene.

Yirmeya 32:37

Bushuwa, mvua mufike munda, munyingalale ne tshiji tshikole bua bantu ba mu tshimenga etshi. Ke mumvua mubatangalaje mu matunga mashilangane. Kadi nembakunguje, nembapingaje munemu. Nembasombeshe mu ditalala.

Yezekiyele 28:25

“Meme Maweja-Nangila ndi ngamba ne: Nengumushe bena Izrayele bonsu miaba imvua mubatangalaje; nembasangishe muaba umue. Nanku nendeje bisamba bikuabu ne: meme ndi Mvidi Mukulu wa tshijila. Bena Izrayele nebasombe mu ditunga diabu dimvua mupeshe muntu wanyi Yakobe.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yirmeya 16:14

Maweja-Nangila udi wamba ne: dituku nedikumbane, didibu kabayi baditshipa bamba ne: “Ndi nditshipa mu dina dia Maweja-Nangila udi ne muoyi, udi mupatule bena Izrayele mu bupika!”

Yezekiyele 36:35

Bantu nebambe ne: ‘Batua banyange ditunga edi, kadi mpindiewu dikadi bu lupangu lua Edene. Bimenga bivuabu babutula, bashiya makolu, mbamane kubiasulula. Bantu badi basombamu.’

Mika 7:15

Utuenzele malu a kukema, bu tshikondu tshiuvua mutupatule mu Ejipitu.