Yirmeya 23:16 - MUKANDA WA MYIDI MUKULU

¹⁶ Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Yehowa wa misumba udi wamba ne, Kanunvu mei a baprofete badi banuambila mei. Badi banuyisha malu a hatuhu; batu banuambila bua tshikena kumona tshiakafuma anu mu mitshima yabo, katshiakafuma mukana mua Yehowa.

Yirmeya 23:16 交叉引用

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Yezekiyele 13:6

Bambi aba badi bambila bantu malu a dishima, babadinga. Badi bamba ne: “Telejayi malu adi Maweja-Nangila unumanyisha.” Kadi meme Maweja-Nangila tshivua mubatume to. Kadi badi amu batekemena bua nkumbaje miaku yabu.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Yezekiyele 13:3

Meme Maweja-Nangila Mvidi Mukulu, ndi ngamba ne: Dikenga nedikuate bambi batshimbakane aba! Badi balonda amu lungenyi luabu bobu, baleja bantu malu a dishima.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Yirmeya 23:21

Maweja-Nangila udi wamba ne: Tshiena mutume bambi abu to. Kadi badi anu benda baya. Meme tshiena mubambile bualu to. Kadi badi amu bambila bantu malu!

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Yirmeya 23:26

Nebadinge bantu nanku, too ne ku tshikondu kaayi? Padibu balonda malu a dishima, adi afuma amu ku lungenyi luabu, tshidi bambi aba bipatshila ntshinyi?

Yezekiyele 22:28

Bambi benu badi babuikila bilema bienu abi, bu mudibu bela lupemba ku tshimana tshia nzubu. Badi bashima bantu, babambila malu amvua tshiyi mubaleje. Badi bambila bantu malu, babadinga ne: mmafume kudi Mvidi Mukulu. Kadi meme Maweja-Nangila tshivua mubambile bualu to.

Yezekiyele 13:23

Nanku, kuenu kuajiki. Malu enu anudi nudinga nawu bantu, ne malongesha enu a dishima ajiki. Ndi ngumusha bantu banyi ku bumfumu buenu. Nanku nenumanye ne: meme ndi Maweja-Nangila.”

Yezekiyele 13:16

Bambi ba bena Izrayele bavua bamanyishe malu avua atangila Yerushalayime, bamba ne: malu onsu adi bimpe, kadi kaayi mimpe nansha kakese, kuabu kuajiki!’ Ke mundi ngamba nanku, meme Maweja-Nangila.”

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yirmeya 9:20

“Lufu ludi lubuelela pa madidishi etu. Ludi bibuela mu nzubu yetu mimpe, lushipa bana betu batekete mu misesu, ne bansongalume betu miaba idi bantu bunguile.”

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Nsumuinu 19:27

Muananyi, wewe mulekele kuteleja badi bakubela, neupue nansha bidibu bamane kukulongesha muoyi.

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Muadi 2:9

Biibi bia tshimenga kupuka. Mvidi Mukulu kutshibula milonda ya kukanga nayi biibi abi. Mukalenga ne balombodi ba mu bukalenga buende, badi mu bianza bia bantu ba bisamba bikuabu. Kakuena muntu udi mua kuamba tshidi Mvidi Mukulu musue; nansha bambi mene kabatshiena bapeta mukenji wa kudi Mvidi Mukulu.

1 Bakalenga 22:11

Muntu mukuabu, Sedekiya, muana wa Kenaane, uvua muenze nsengu ya tshiamu, wamba ne: — Maweja-Nangila udi wamba ne: “Nsengu eyi, ke tshimanyinu tshidi tshileja bukole bundi mua kubutula nabu bena mvita ba bena Siriya.”

2 Kulondolola 18:5

Nanku, Akabe, mukalenga wa bena Izrayele, kubikidisha bambi bende nkama inayi. Kubakonkaye ne: — Tudi mua kuya kuluangana, bua kukuata tshimenga tshia Ramote tshidi mu ditunga dia Ngilaade, anyi katuena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”