Yirmeya 23:1 - MUKANDA WA MYIDI MUKULU

¹ Maweja-Nangila udi wamba ne: “Balombodi ba bantu banyi mbena diakabi. Badi balami babi ba mikoku, badi banyisha bua mikoku yanyi inyane, ipambuke.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi wamba ne, Mulau wikale kudi balami badi bashiha ne badi batangadisha mikoko ya mu mpata wanyi.

Yirmeya 23:1 交叉引用

Yirmeya 10:21

Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Yezekiyele 13:3

Meme Maweja-Nangila Mvidi Mukulu, ndi ngamba ne: Dikenga nedikuate bambi batshimbakane aba! Badi balonda amu lungenyi luabu bobu, baleja bantu malu a dishima.

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Yirmeya 22:22

Balombodi bebe nebaye nabu, mudi lupepele lujula bintu. Balunda bebe nebabuele mu bupika. Malu mabi onsu auvua muenze, neakukebele anu bundu ne kapeja.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 50:6

Bantu banyi bavua bu tshisumbu tshia mikoku mipambuke. Balami bayi ke bavua bayipambuishe. Ke bavua bayilekelela, itambakana eku ne eku pa mikuna, kayiyi ivuluka kabidi lupangu luayi.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yowanane 10:12

Muntu udi ukuata mudimu amu bua kupeta difutu, kayi mulami wa mikoku, kabidi kayi muena mikoku, padiye umona nyama wa lonji ufika, udi ulekela mikoku, unyema. Nanku nyama wa lonji udi uyikuata, uyitangalaja.

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Yirmeya 23:2

Bua balami ba mikoku aba, Maweja-Nangila wa Izrayele udi wamba ne: “Nuvua banyishe bua mikoku yanyi ipambuke, itangalake. Kanuvua nayi ne bualu to. Eyowa, meme ndi musue kununyoka, bualu bulami buenu bua mikoku yanyi mbubi. Meme Maweja-Nangila ndi njadika nanku!

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Yezekiyele 34:31

“Eyowa, nuenu bantu ba mu tshisamba tshianyi, ndi munulame, bualu ndi Mvidi Mukulu wenu. Meme Maweja-Nangila Mvidi Mukulu ndi njadika nanku.”

Yezekiyele 34:21

Mikoku idi kayiyi ne bukole, nudi nuyisakila ne dikaya nansha ne tshikundukundu. Nudi nuyituta ku nsengu, nuyitangalaja, nuyipata mu tshisumbu.

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Yowanane 10:8

Bonsu bavua badianjidile kumpala kuanyi mbivi, kabidi mbena mutshima. Kadi mikoku kayivua mibateleje.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yezekiyele 36:38

Mu matuku a bibilu, mu Yerushalayime muvua nyama ya bungi ivuabu balambule. Bavua bafike nayi bisumbu ne bisumbu. Nanku bantu badi ne bua kuasa tshiakabidi mu bimenga bienu bidi bishala makolu mpindiewu, nebikale bungi bua nyama ayi. Nanku, bantu bonsu nebamanye ne: ndi Maweja-Nangila.”

Yezekiyele 34:1

Maweja-Nangila kungambila ne:

Zekâya 10:3

“Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.