Yirmeya 22:8 - MUKANDA WA MYIDI MUKULU

⁸ Bantu benyi ba bungi nebapitshile pabuipi ne tshimenga etshi. Nebebejangane ne: “Maweja-Nangila Mvidi Mukulu mmunyoke tshimenga tshinene etshi naku bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ba mu bisamba bia bungi nebahitshile hehi ne musoko eu, muntu yonso ne muena mutumba nʼandi nebakonkangane ne, Yehowa wakuenzela musoko eu munene nunku bua tshinyi?

Yirmeya 22:8 交叉引用

Danyele 9:7

Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Muadi 4:12

Nansha bakalenga ba pa buloba, nansha muntu mukuabu nganyi ne nganyi, kavua mua kuitaba ne: dituku dikuabu muluishi udi mua kubuelela ku biibi bia Yerushalayime nansha.

Yirmeya 16:10

Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”

Yirmeya 40:2

Kuyaye ne Yirmeya pa nkayende, umuambila ne: — Maweja-Nangila Mvidi Mukulu webe uvua mumanyishe bena tshimenga etshi dikenga didi dibakuata.

Yezekiyele 5:15

Nennyoke tshimenga tshia Yerushalayime ne tshiji tshikole. Nentshikengeshe, ntshitandishe bikole! Nanku bantu badi ku nseke, nebaseke tshimenga etshi, batshipenda. Padibu batshivuluka, nebakuatshike bowa. Nenuikale tshilejilu tshia kubabela natshi. Meme Maweja-Nangila, ndi nnujadikila bualu ebu.

Yezekiyele 12:16

Kadi nempandishe bantu bakuabu ku mvita, ku tshiyole tshia nzala, ne ku disama dia tshiambu. Bobu nebalondele bena matunga adibu basombe mu bupika muvuabu benza malu mabi. Nanku bantu ba bisamba bia bende abu nebamanye kabidi ne: meme ndi Maweja-Nangila.

Yezekiyele 14:23

Kanuakubungama kabidi bikole to. Bualu nuenu bamane kubamona, nenumvue mundi munyoke bena tshimenga etshi anu pa bualu. Meme Maweja-Nangila ndi njadika bualu ebu.

Yezekiyele 39:23

“Maweja-Nangila udi wamba ne: Bisamba bikuabu nebiumvue ne: bena Izrayele bavua baye mu bupika bua bubi buvuabu bangenzela. Ke mumvua tshiyi kabidi nabu ne bualu to. Meme kubalekela mu bianza bia baluishi babu, bua babashipe bonsu mu mvita.

Yirmeya 40:3

Mpindiewu Maweja-Nangila mmuenze tshionsu tshivuaye mumanyishe, bualu nuvua bena tshibawu. Kanuvua bitabe tshivuaye munuambile. Ke padi malu awu onsu manuenzekele.