Yirmeya 22:5 - MUKANDA WA MYIDI MUKULU

⁵ Kadi panuabenga kuteleja mundi nnuambila, ndi nditshipa ne: meme Maweja-Nangila, bu mundi Mvidi Mukulu mulelela, ndi njadika ne: nzubu ewu wa bukalenga neupuke ashale lubuwa.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi wamba ne, Kadi binuahidia kunvua mei â, ndi nditshiha nkayanyi ne, Nsubu eu neabutuke kabutu.

Yirmeya 22:5 交叉引用

Amosa 6:8

Maweja-Nangila, Mvidi Mukulu wa bukole buonsu mmuditshipe ne: “Meme Mvidi Mukulu mulelela, ndi njadika ne: lutambishi lua badi basomba mu bukalenga bua Izrayele ludi lunkuatshisha munyanji. Tshiena musue nzubu yabu milenga. Samariya ne bonsu badi basombamu, ndi mbifila kudi baluishi babu.”

Ebrewu 6:13

Pavua Mvidi Mukulu mulaye Abrahame, uvua muditshipe. Bu muvuaku kakuyi muntu mukuabu uvua mumupite bunene bua amone mua kuditshipa, kutela dina dia muntu awu, Mvidi Mukulu uvua muditshipe utela amu dina diende yeye.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Genese 22:16

umuambila ne: — Maweja-Nangila udi ujadika ne: Bu muudi muenze nanku kuyi mumpale muanebe umuepele, bu mundi meme Mvidi Mukulu, ndi nditshipa ne:

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Ebrewu 6:17

Mvidi Mukulu uvua musue kuleja patoke bantu bonsu bavua ne bua kupeta bivuaye mulaye ne: kashidi tshiena mua kushintulula dipangadika dianyi. Ke pavuaye usakidila mutshipu ku dilaya divuaye ulaya.

Ebrewu 3:18

Pavua Mvidi Mukulu muditshipe ne: “Bantu aba kashidi kabena babuela mu ditunga, dimvua mubalongoluele bua kuikisha,” bavuaye wamba nanku mbanganyi? Uvua wamba bua bonsu bavua batomboke.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Misambu 95:11

Nenku ke meme kuditshipa ne tshiji ne: kabena babuela mu buloba, bumvua mubalongoluele bua kuikishabu nansha.”

2 Kulondolola 7:22

Nebabandamune ne: “Bualu bena Izrayele mbatombokele Maweja-Nangila Mvidi Mukulu wabu, uvua mupatule bankambua babu mu Ejipitu. Maweja-Nangila udi ubakengesha nenku, bualu badi batendelela mvidie mikuabu.”

2 Kulondolola 7:19

Kadi, wewe muntombokele, kuyi ukumbaja meyi ne mikenji bianyi bimvua mukupeshe, wewe mutendelele mvidie mikuabu, wewe muyituile binu bua kuyikukuila,

Matayi 23:38

Nanku, nzubu wa Mvidi Mukulu wenu awu neashale munda mutupu!

Yirmeya 26:4

Ubambile ne: Maweja-Nangila udi wamba ne: “Ntelejayi, londayi mikenji yanyi imvua munupe.

Yirmeya 44:26

Kadi diba adi, nuteleje bimpe tshindi nnuambila. Meme Maweja-Nangila ndi nnuambila bualu. Ndi nditshipa mu dina dianyi dialumu ne: Muena Yuda nansha umue kena mua kuditshipa, utela dina dianyi mu ditunga dia Ejipitu nansha. Kena mua kuamba kabidi ne: ‘Bu mudi Maweja-Nangila Mvidi Mukulu ne muoyi…’

2 Kulondolola 7:21

Padi bantu bapitshila pabuipi ne nzubu munene wa lumu ewu mumane kunyanguka, nebakeme, bakonka ne: “Maweja-Nangila mmunyangakaje ditunga edi ne nzubu ewu nenku bua tshinyi?”

Yirmeya 12:7

Ndi nshiya nzubu wa tshijila, uvua nzubu wanyi meme. Ndi mbenga bantu bavua banyi. Ndi mfila mu bianza bia baluishi babu, bantu bamvue munange ne muoyi wanyi mujima.