Yirmeya 22:10 - MUKANDA WA MYIDI MUKULU

¹⁰ Nuenu bena Yuda, kanudidi mukalenga Yoshiya uvuabu bashipe. Kanuikadi ne tshinyongopelu bualu buende. Dilayi amu mukalenga Shalume, udibu baye nende mu bupika. Bualu kakupingana kabidi to. Kakumona kabidi ditunga diende divuabu bamulele nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kanuashidi muntu eu mufue muadi, kanumujingi; kadi nudile bikole bua muntu udi uya kukuabo, bualu bua kena uhingana kabidi, kena umona buloba buakamulelabo.

Yirmeya 22:10 交叉引用

Yirmeya 22:11

Bua Shalume, mukalenga wa bena Yuda, udi mupingane tatuende Yoshiya mu bukalenga, Maweja-Nangila udi wamba ne: “Kena upingana kabidi to.

Muambi 4:2

Meme ndi ngamba ne: badi bamane kufua, badi ne diakalenga dipite dia batshidi ne muoyi.

Muadi 4:9

Bivua bipite buimpe kufua ku muele wa mvita, pa mutu pa kufua ku nzala, pa mutu pa kulewuka ku tshiyole.

Yeshaya 57:1

Bantu bakane badi babutuka, kakuyi muntu udi usumpakana bualu buabu. Bantu bimpe badi bafua mu mvita, kakuyi muntu udi ubatangila. Kadi ndi mbapatula mu bianza bia bantu badi babakengesha.

2 Bakalenga 22:20

Kuakumona makenga onsu aa to. Neufue anu bimpe. Nebakujiike mu Yerushalayime.’ ” Ilkiya mutuangaji munene, ne bantu bavuaye nabu, kuyabu kuambila mukalenga Yoshiya bionsu abi.

Luke 23:28

Yezu ukudimuka, kubambilaye ne: — Nuenu bakaji ba mu Yerushalayime, kanudidi bualu buanyi to. Nudile bualu buenu, ne bua bana benu.

Yirmeya 22:18

Bua Yoyakime, muana wa Yoshiya, mukalenga wa bena Yuda, Maweja-Nangila udi wamba ne: Yeye mufue, bantu kabakumudila to. Muntu kakuamba ne: “Tutu wanyi, diakabi kaayi edi?” “Yaya wanyi, diakabi kaayi edi?” Kabakumudila bamba ne: “Mfumuanyi, diakabi kaayi?” “Mukalenga, diakabi kaayi edi.”

2 Kulondolola 36:4

Pashishe, Neko kusungula Eliyakime, muanabu ne Yowakaze, bua kushalaye mukalenga mu Yerushalayime, ne mu ditunga dia Yuda. Nekokushintulula dina dia Eliyakime, kumuinyika Yowakime. Neko kuya ne muanabu Yowakaze mu Ejipitu.

Yirmeya 16:7

Muntu nansha umue kakufila biakudia mu nzubu wa madilu, nansha maluvu, bua kusamba badi mu madilu, nansha bobu badila tatu anyi mamu.

Yirmeya 25:27

Maweja-Nangila kuntuma bua kubambila ne: “Maweja-Nangila wa bukole buonsu Mvidi Mukulu wa Izrayele udi wamba ne: Nunue, mikuatshike, nuluke, too ne munuadishinda panshi, kanuyi mua kujuka kabidi. Bualu nenumone mundi nshipa bantu munkatshi muenu.”

Yirmeya 28:4

Nempingaje kabidi mu ditunga diabu Yekonya, muana wa Yoyakime, mukalenga wa bena Yuda, too ne bantu bonsu bavuabu bakuate baye nabu mu Babilone. Ke mundi meme Maweja-Nangila ngamba. Eyowa, nentshibule mutshi wa bupika udi mukalenga wa mu Babilone muteke pa makaya enu.”

Yirmeya 42:18

Yirmeya kuamba kabidi ne: — Maweja-Nangila wa bukole buonsu, Mvidi Mukulu wa Izrayele, udi wamba ne: “Mvua mufikile bena Izrayele munda bikole. Nuenu kabidi nennufikile munda panudi nuya mu Ejipitu. Diba edi nebanuteke tshilejilu tshia tshintu tshibi tshidi tshikuatshisha bantu bowa, tshienza bundu. Nuenu mene kanuakumona kabidi ditunga edi to.”

Yirmeya 44:14

Munkatshi mua bena Yuda bavua bashale, baye kusokoma mu Ejipitu, muntu nansha umue kakunyema, kupingana mu ditunga dia Yuda to. Nansha bobu bikale ne dijinga dia kupingana kuabu, anu bena Yuda bakese nebapanduke, bua bapingane mu ditunga diabu, basombemu.”

Yezekiyele 24:16

— Yezekiyele, ndi nkunyenga mukajebe uudi utangila, usankidila. Neafue lufu lua tshikosu. Kadi kuena mua kudila muadi, kuena mua kutua mikemu, kuena mua kupuekesha binsonji to.

2 Bakalenga 23:29

Patshivua Yoshiya mu bukalenga, Neko, mukalenga wa bena Ejipitu, uvua muye ne bena mvita bende ku musulu wa Perate bua kuambuluisha mukalenga wa bena Ashure. Mukalenga Yoshiya uvua musue kukanga njila, bua bena Ejipitu kabapitshi to. Kadi, kumushipabu ku Megido mu mvita ya kumpala.

Yirmeya 22:27

Nenujinge mua kupingana mu ditunga dienu. Kadi kanuakupingana mu to.”