Yirmeya 21:5 - MUKANDA WA MYIDI MUKULU

⁵ Meme nkayanyi nennuluishe mvita. Bu mundi ne tshiji tshikole, nennuleje mundi ne bukole, mumanye mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Meme hanyi nenduangane nʼenu ne tshianza tshiolola kunudi ne diboko dianyi dikole, ne tshiji, ne tshifikʼa munda, ne tshiji tshikole.

Yirmeya 21:5 交叉引用

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Yirmeya 32:17

— Eyi, Maweja-Nangila Mvidi Mukulu, uvua muleje bukole buebe ne meji ebe, pauvua mufuke diulu ne buloba. Wewe udi mua kuenza bionsu biudi musue.

Yirmeya 6:12

Maweja-Nangila udi wamba ne: Bantu bakuabu nebangate nzubu yabu. Nebangate kabidi madimi abu ne bakaji babu. Eyowa, meme Maweja-Nangila nennyoke bena ditunga edi bonsu.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Ekesode 9:15

Bu meme mukutumine wewe ne bantu bebe disama dikole dia tshiambu, bonsu nuvua mua kuikala bamane kubutuka.

Yirmeya 32:37

Bushuwa, mvua mufike munda, munyingalale ne tshiji tshikole bua bantu ba mu tshimenga etshi. Ke mumvua mubatangalaje mu matunga mashilangane. Kadi nembakunguje, nembapingaje munemu. Nembasombeshe mu ditalala.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Dielulula 4:34

Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Muadi 2:3

Bua tshiji tshiende tshikole, kutekeshaye bukole buvua Izrayele nabu. Kubengaye kumuambuluisha, pavua muluishi wende mumuvuile. Kuelaye kapia munkatshi mua bantu bende. Kavua kuosha bionsu.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Yezekiyele 39:3

Pashishe, nenkunyoke. Buta buebe bua mikete nebutshibuke mu tshianza tshiebe tshia bakaji. Mikete yebe neyiponene panshi ku tshianza tshiebe tshia balume.