Yirmeya 20:7 - MUKANDA WA MYIDI MUKULU

⁷ Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa, wewe wakungenzesha, ne nakuitabushishibua; wewe udi umpita bukole, wakuntamba. Nakulua bu tshintu tshidibo baseka dituku dijima, muntu yonso udi unseka.

Yirmeya 20:7 交叉引用

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Muadi 3:14

Bantu bonsu badi banseka, bandembakaja matuku onsu.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

1 Korente 9:6

Nanku amu meme ne Barnabase, ke badi ne tshilumbu tshia kukuata mudimu ne bianza, bua kupeta tshiakudia tshietu anyi?

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

Bienzedi 17:18

Bamue balongeshi ba mu tshisumbu tshia bena Epikure, ne ba mu tshisumbu tshia bena Stowa, bavua bayukila kabidi nende. Bamue bavua bamba ne: — Tshidi muena lubuakabuaka ewu musue kuamba ntshinyi? Kadi pavua bakuabu bumvua Polu ulongesha bantu malu a Yezu ne a dibiika, bavua bamba ne: — Bidi bimueneka ne: udi ulongesha malu a mvidie ya bantu ba bisamba bikuabu.

Luke 23:11

Erode ne basolayi bende batua baseka Yezu, bamupepeja. Kumutuadikabu tshilamba tshimpe tshitoke, kumupingaja kudi Pilate.

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

Yirmeya 17:16

Maweja-Nangila, meme tshivua mukusake bua wewe kubatumina dikenga. Tshivua mujinge ne: babutuke. Amu wewe ke uvua mujadike malu onsu amvua muambe.

Yirmeya 15:18

Kadi dikenga dianyi kadiena dijika bua tshinyi? Mudibu kabayi mua kuondapa mputa yanyi mmunyi? Mudi mputa wanyi kayi uma mbishi? Bushuwa, wewe kundinga mudi musulu mume udinga bantu badi bakeba mayi kabayi baasangana!

Yirmeya 15:10

Mamu wanyi, ndi muena diakabi! Udi mundele bua tshinyi? Miaba yonsu mu ditunga badi amu bambenga, badi amu banduisha! Kadi meme tshiena musombe, tshiena musombeshe muntu tshintu. Mudi bantu bonsu bangela mulawu mmunyi?

2 Bakalenga 2:23

Elisha kumuka mu Yeriko, kuya mu Betele. Pawaye mu njila, bana ba balume bavua bafume mu tshimenga, kumuseka, bela mbila ne: — Muena dibala, banda! Muena dibala, banda!

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Misambu 119:51

Nansha bena kapeja banseka, tshiena musesuke ku mikenji yebe.

Yirmeya 38:19

Mukalenga Sedekiya kumuandamuna ne: — Bowa budi bunkuata bua bena Yuda bavua badifile kudi bena Babilone. Ndi ntshina ne nebainfile kudi bantu abu bua bampetule.

Yona 4:2

Kuambilaye Maweja-Nangila ne: — Kia! Maweja-Nangila, ke tshimvua ntshina etshi, pamvua kuetu. Ke mumvua munyeme bua kuya ku Tarshishe. Mvua mumane kumanya bimpe ne: wewe udi Mvidi Mukulu wa luse ne dinanga. Udi muena lutulu. Dinanga diebe kadiena ne ndekelu. Udi amu musue kulekela kukumbaja biuvua mukanyine nabi bantu.

Yobe 30:9

Kadi mpindiewu bana bavuabu balela, badi basaka misambu bua kunseka. Badi bangela mu nsumuinu.

Yeshaya 8:11

Maweja-Nangila kunkuata ku tshianza, ungambila ne: kulondi malu a tshisamba etshi. Uvua umbela ne: