Yirmeya 2:36 - MUKANDA WA MYIDI MUKULU

³⁶ Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bua tshinyi udi wendakana eku ne eku bua kukudimuna nshila webe? Ejipitu neakufuishe bundu bu muakukufuishabo bundu kudi Ashû.

Yirmeya 2:36 交叉引用

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Yirmeya 2:23

Izrayele, mmunyi muudi ukimina kuamba ne: “Tshiena ne manyanu, tshiena mutendelele mvidie Baale?” Tangila biudi wenza mu tshibandabanda! Utonde bionsu biuvua muenze! Udi bu muana wa kamelu mukaji, udi unyemakana eku ne eku.

2 Kulondolola 28:16

Tshikondu atshi, mukalenga Akaze kubikidisha mukalenga wa bena Ashure bua amuambuluishe.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Yezekiyele 29:7

Bavua bakukuata wewe Ejipitu mu tshianza. Kadi wewe kutshibukila mu bianza biabu. Wewe kubatapa mputa ku dikaya, kubatekesha ku muoyi.

Muadi 5:6

Bua kudia kuukuta, tudi tuoluela bena Ejipitu ne bena Ashure tshianza.

Muadi 4:17

Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

Yirmeya 37:7

Maweja-Nangila Mvidi Mukulu wa Izrayele udi wamba ne: — Nuye kuambila Sedekiya mukalenga wa bena Yuda, udi munutume kundi bua kungebeja malu ne: tshiluilu tshia mukalenga wa bena Ejipitu, tshivua tshifike bua kunuambuluisha, tshikadi tshialukile kuabu ku Ejipitu.

Yirmeya 2:33

Bu muudi ne budimu mu nsombelu webe udi udikebela baudi musue kunanga. Bua kubapeta, ukadi muibidilangane ne buenzavi.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yeshaya 20:5

Bonsu bavua batekemena kudi bena Kushe, batemba bena Ejipitu, nebatekete mu maboku, bafue bundu.”

Yirmeya 46:12

Bantu ba mu matunga makuabu mbumvue lumu lua makenga avuabu bakukengesha nawu. Miaba yonsu bavua bumvua miadi yebe! Tshilobu tshidi tshituuta kudi tshikuabu. Bonsu babidi badi batetuka, badishinda panshi.

Yezekiyele 16:28

Kadi lukuka luebe kalutua lujika to. Wewe kuenda tshiendenda ne bena Ashure. Kadi nansha bobu kabavua mua kukusankisha to.

Yirmeya 22:20

Bena mu Yerushalayime, bandayi ku lusongu lua mukuna wa Lebanone, elayi mbila. Pa mukuna wa Bashane, dilayi muadi. Tuayi mikemu biangatshile ku mikuna ya Abarime, bualu mbabutule balunda bebe.

Yirmeya 22:22

Balombodi bebe nebaye nabu, mudi lupepele lujula bintu. Balunda bebe nebabuele mu bupika. Malu mabi onsu auvua muenze, neakukebele anu bundu ne kapeja.