Yirmeya 2:34 - MUKANDA WA MYIDI MUKULU

³⁴ Badi basangana mashi a bakengi, badi kabayi ne bualu too ne ku nzemba ya bilamba bienu. Nuvua babashipe bua tshinyi? Kanuvua babajikidile batula biibi bia nzubu yenu bua kuiba to. Kadi nansha nuenu benze bionsu abi,

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yirmeya 2:34 交叉引用

2 Bakalenga 21:16

Mukalenga Menashe uvua mushipe bantu bapite bungi, bavua kabayi ne bualu to. Tshimenga tshia Yerushalayime tshijima, tshivua ne mashi mapite bungi. Bubi ebu, badi babusangisha kabidi ku buenzayi bonsu budi Menashe muenze, bua kufikisha bena Yuda ku dienza malu adi Maweja-Nangila mubenge.

Yirmeya 19:4

Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

2 Bakalenga 24:4

bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

Ekesode 22:2

Kadi pikalabu bakuate muivi mu munya, mumushipi udi ne tshilumbu. Pikala muivi katshiyi ne bintu bivuaye muibe abi, nebamupane, ashale mupika bua buivi buende.

Yezekiyele 24:7

Mashi avuabu bela panshi atshidi mu tshimenga. Bavua baela pa mabue, kabayi nansha baajibikila ne buloba. Buloba ki mbuanji kunua mashi aa to.

Yezekiyele 20:31

Nansha mpindiewu nudi nupia mikiya, panudi nuyilambula bintu, nuyishipela bana benu. Nuenu bena Izrayele, nudi nuela meji ne: panudi nuenza nanku, ndi mua kuitaba bua nuenu kunkonka bualu anyi? Kabiena mua kuenzeka to! Meme Maweja-Nangila Mvidi Mukulu wa muoyi, tshiena mua kuitaba bua nunkonke bualu to.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yirmeya 7:31

Mu tshibandabanda tshia Inome, mbalongolole muaba wa kulambuila milambu, udibu binyika ne: Tofete, bua kuoshamu bana babu ba balume ne ba bakaji bu milambu. Meme Maweja-Nangila tshivua mubambile bua kuenza bualu ebu to. Tshivua nansha muele meji ku bualu bua nanku to.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Yeshaya 59:7

Nudi nunyema lubilu, bua kuya kuenza malu mabi. Nudi nuambuluja makasa, bua kushipa badi kabayi ne bualu. Meji anudi nuela adi amu a kuenzela bakuabu bibi. Mu njila yenu nudi numiamina tshimvundu ne kabutu.

Yeshaya 57:5

Nudi nuenda buendenda muinshi mua mitshi minene, miaba yonsu idi mitshi ya dileji. Ku muelelu wa misulu, muinshi mua mbuebue, nudi nulambula mvidie bana.

Yeshaya 59:3

Bualu bianza bienu bidi ne mashi. Minu yenu idi minyanguke ne malu mabi. Nudi nuakula amu bua kujana bantu, bua kushiminyinangana malu.

Yirmeya 2:33

Bu muudi ne budimu mu nsombelu webe udi udikebela baudi musue kunanga. Bua kubapeta, ukadi muibidilangane ne buenzavi.

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Muadi 1:9

Bubi buende mbumuenekele too ne ku muntumpu wende. Yerushalayime kavua muele meji ku bivua mua kumuenzekela. Eyi! Kabutu nkamukuate. Kakuena muntu nansha umue udi umusamba. Udi wamba ne: “Maweja-Nangila, tangila dikenga dianyi. Mona mudi muluishi wanyi untshimuna.”

Muadi 4:14

Badi benda babubuta mu njila bu mpofu, mibidi minyanguke ne mashi. Mbakandike bantu bua kulenga nansha ku bilamba biabu.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Yezekiyele 22:25

Bu mudi nyama ya ntambue mikuate nyama ikungula, ke mudi balombodi benu bashipe bantu, bangata ne bintu bia bantu ba bende, bashipesha balume ba bungi, bua bakaji babu bashale bakamba.

Ekesode 22:1

“Pikalabu bakuate muivi mu nzubu butuku, bamushipe, mumushipi kena ne tshilumbu to.

Yezekiyele 23:45

Kadi bantu ba nsongu nubafundile bakaji aba tshibawu, bua tshiendenda tshiabu, ne bua bantu bavuabu bashipe. Bualu mbende tshiendenda, badi kabidi ne mashi ku bianza!”