Yirmeya 2:30 - MUKANDA WA MYIDI MUKULU

³⁰ Meme kununyoka, kadi kabiena binuenzela bualu to. Kanuena bateleja mibelu eyi. Kadi nuenu kushipa bambi benu, bu nyama ya ntambue ya lonji.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

Yirmeya 2:30 交叉引用

Nehemya 9:26

Kadi bavua ne tshishiku. Nanku bobu kukutombokela, kubenga diyi diebe, kushipa bambi bebe, bavua bababela bua bapingane kuudi. Ke muvuabu bakuenzela bibi, bakupenda misangu ne misangu.

1 Tesalonike 2:15

Bena Yuda bavua bashipe Mfumu Yezu, ne bambi kabidi. Ke muvuabu batukengeshe ne tuetu. Kabena basankisha Mvidi Mukulu. Badi bena lukuna ba bantu bakuabu bonsu.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Matayi 23:29

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi. Nudi nuibakila bambi nkita mimpe. Nudi nulengeja nkita ya bantu bavua bitaba Mvidi Mukulu.

Yirmeya 7:28

Pashishe mubambile ne: “Nudi tshisamba tshia bantu badi kabayi bateleja tshidi Mvidi Mukulu wabu wamba. Nudi bantu badi babenga mibelu ya Maweja-Nangila. Tshisamba tshienu katshiena tshia diyi dimue to. Katshiena tshiela meji a kukumbaja tshi-vuatshi tshilaya nansha.”

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.

Sefanya 3:2

Kavua uteleja diyi dia Maweja-Nangila. Kavua witaba mibelu yende. Kavua utekemena Maweja-Nangila. Kavua ukeba diambuluisha kudi Mvidi Mukulu.

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

2 Kulondolola 24:21

Bena Yuda kuelela mutuangaji Zekarya tshifufu tshibi. Mukalenga Yowashe kubabikila bua base Zekarya mabue mu lubanza mene lua nzubu wa Mvidi Mukulu.

1 Bakalenga 19:14

Kuandamunaye ne: — Maweja-Nangila Mvidi Mukulu wa bukole buonsu, ndi mukunange bikole. Kadi tshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi, badi bakeba kunshipa ne meme.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

Yeshaya 59:3

Bualu bianza bienu bidi ne mashi. Minu yenu idi minyanguke ne malu mabi. Nudi nuakula amu bua kujana bantu, bua kushiminyinangana malu.

Yirmeya 46:14

Manyisha bena Ejipitu, benamu Migdole, bena mu Memfise, ne bena mu Tapanese ne: “Elayi mualu wa mvita! Angatayi bia mvita mu bianza!” Bualu mvita ikadi yenda ibutula bena mutumba nenu!

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 22:24

— Yezekiyele, ambila bena Izrayele ne: ditunga dienu ndifuanangane ne buloba budi kabuyi bulokela mvula. Nebubutuke bua tshiji tshianyi, bu mudi buloba budi kabuyi bupeta mayi.

Danyele 9:13

Maweja-Nangila Mvidi Mukulu wetu, makenga aa mmatukuate, bilondeshile mudibu bafunde mu mikenji ya Moshe. Kadi tuetu katuvua bakusengelele, bua utufuile luse. Katuena balekele mibi yetu. Katuena bangate meyi ebe ne mushinga.