Yirmeya 2:25 - MUKANDA WA MYIDI MUKULU

²⁵ “Wewe Izrayele, udimuke! Paudi unyema lubilu lukole neutapike ku makasa, muminu webe neume ne nyota!” Kadi, wewe udi wamba ne: “Lekela kulengelela, ndi munange mvidie ya bantu ba bisamba bikuabu. Ndi musue kuyitendelela.”

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Kandika makasa ebe bua kaendi kâyi ne bisabata, kandika muminu webe bua kawikadi ne nyota; kadi wewe wakuamba ne, Bualu ebu budi hatuhu; nansha, ndi musue nzambi ya bantu ba bende, nenye kudiyi.

Yirmeya 2:25 交叉引用

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Yirmeya 18:12

Kadi badi bandamuna ne: “Nansha kakese! Katuena basue kuenza malu mimpe. Netuenze anu malu mabi, netuikale bena tshitunu amu mutudi basue.”

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Rome 8:24

Bualu bavua batusungidile, kadi amu bua tushale batekemena. Padi bantu bamona bidibu batekemena, kabena batekemena kabidi to. Utshidi mua kutekemena tshidiye mumone nnganyi?

Muadi 4:4

Ludimi lua bana ba mu diboku, ludi lulamata mu tshilakalaka, bualu badi bafue ne nyota. Bana batekete badi balomba biakudia. Kakuena muntu udi ubapeshabi nansha.

Yirmeya 14:10

Maweja-Nangila udi wamba ne: “Eyowa, bantu abu mbasue kuendakana miaba yonsu, banshiya meme.” Kadi ebi kabiena bisankisha Maweja-Nangila. Nenku tshiena mua kupua malu mabi abu muoyi. Nembanyoke.

Yirmeya 13:22

Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Yeshaya 57:10

Wewe kupungila ne luendu luebe lua kukeba mvidie. Kadi kuena muambe ne: “Mbikumbane.” Wewe kupeta tshiakabidi dikanda, kuyi uvuluka dipungi diuvua nadi to.

Yeshaya 2:6

Wewe Maweja-Nangila, ukadi ulengulula tshisamba tshiebe, tshisamba tshia ndelanganyi ya Yakobe. Bualu bena mbuku ba kudi diba dipatukila, mbavulangane mu tshisamba tshia Yakobe. Batempi ba malu a mitotu badimu, bungi bu mu ditunga dia bena Peleshete. Bantu bebe mbunwuangane ne bantu ba bisamba bikuabu, balonda bibidilu biabu.

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

Luke 16:24

Nanku kuelaye diyi ne: “Tatu Abrahame, ungumvuileku luse. Tuma Lazare, atue lusongu lua munu wende mu mayi, bua kuntalaja pa ludimi. Bualu ndi nkengakana bikole mu kadilu aka.”

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Yirmeya 44:17

Netuenze anu tshitu-vua balaye. Netuambule Astarte, mvidie wetu, Mukalenga mukaji wa diulu, milambu ya manananshi ne ya maluvu a mvinyo. Ke mutuvua benza tuetu, ke muvua kabidi bankambua betu, bakalenga betu ne balombodi betu ba bukalenga benza mu bimenga bia Yuda ne mu misesu ya mu Yerushalayime. Nanku tuvua ne biakudia bungi bukumbane. Bionsu bivua bienda amu bimpe. Katuvua tukenga nansha.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 22:20

Bena mu Yerushalayime, bandayi ku lusongu lua mukuna wa Lebanone, elayi mbila. Pa mukuna wa Bashane, dilayi muadi. Tuayi mikemu biangatshile ku mikuna ya Abarime, bualu mbabutule balunda bebe.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Yezekiyele 20:32

Nudi nuela meji ne: nudi mua kuikala bu bantu ba bisamba bikuabu, badi batendelela mitshi ne mabue anyi? Nansha kakese! Kabiakuenzeka to.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

2 Kulondolola 28:23

Uvua ulambula mvidie ya mu Damase milambu. Mvidie ayi, keivua mimupangishe mua kutshimuna baluishi. Uvua wamba ne: “Mvidie ya bena Arame ke idi miambuluishe bakalenga ba bena Arame. Nanku, ndi musue kulambula mvidie ayi milambu bua imone mua kungambuluisha meme kabidi.” Kadi mvidie ayi, keivua mimukebele, yeye ne bantu bende, kabutu.

Yirmeya 22:21

Mvua mukubele, pavua bualu nansha bumue kabuyi buanji kuenzeka. Kadi wewe kuandamuna ne: “Tshiena musue kuteleja nansha.” Ke muuvua wenza misangu yonsu, biangatshile ku buana buebe! Kuena muteleje musangu nansha umue, bimvua nkuambila.