Yirmeya 2:16 - MUKANDA WA MYIDI MUKULU

¹⁶ Bena mu tshimenga tshia Memfise ne tshia Tapanese mene kubeyabu bena Izrayele nsuki.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bana balume ba mu Mempi ne Tapanehese bakuhanda lubombo lua mutu webe.

Yirmeya 2:16 交叉引用

Yirmeya 46:14

Manyisha bena Ejipitu, benamu Migdole, bena mu Memfise, ne bena mu Tapanese ne: “Elayi mualu wa mvita! Angatayi bia mvita mu bianza!” Bualu mvita ikadi yenda ibutula bena mutumba nenu!

Yirmeya 44:1

Maweja-Nangila kuambila Yirmeya malu avuaye ne bua kumanyisha bena Yuda bonsu bavua baye kusokoma mu Ejipitu mu tshimenga tshia Migdole, tshia Tapanese, tshia Memfise, ne mu buloba bua Patrose. Ke Yirmeya kubambila ne:

Yeshaya 19:13

Balombodi ba tshimenga tshia Sowane, bakuandamuka bidingidingi. Balombodi ba mu tshimenga tshia Memfise, mbantu batshimbakane. Amu bobu balombodi ba buloba, ke badi bapambula bena Ejipitu.

Dielulula 33:20

Moshe kuela ndelanganyi ya Ngade lupemba, wamba ne: “Maweja-Nangila atumbe! Ke Yeye udi mupeshe bena Ngade ditunga dinene! Bena Ngade mbalale bu nyama wa ntambue, ukeba mua kukuata nyama, kumudia mujima, ne maboku ne mutu!

Yezekiyele 30:16

Nengoshe ditunga dia Ejipitu, bantu nebafue. Bena mu Sine nebapapuke, bazakala. Nebanyange bimana bia mu No; tshimenga tshijima netshiyanguke.

Yezekiyele 30:13

“Meme Maweja-Nangila ndi njadika ne: Nembutule mpingu ne mvidie ya dishima ya mu tshimenga tshia Memfise. Kamuakuikala kabidi muntu udi ulombola Ejipitu. Nenkuatshishe bena ditunga bonsu bowa.

Yirmeya 46:19

Bena Ejipitu, suikayi bintu bienu. Nukadi pa kuya mu ditunga dia bende mu bupika! Bualu tshimenga tshia Memfise netshikale tshipela tshidi tshienza bowa, muaba udi bantu kabayi mua kuasa.

Yeshaya 8:8

Mayi a musulu awu, neabuele miaba yonsu mu ditunga dia bena Yuda. Neakuate bantu too ne mu nshingu. Misapa yawu neitangalake, ibuikile ditunga diebe dijima, Emanuwele.

2 Bakalenga 23:33

Neko, mukalenga wa bena Ejipitu kukuata Yowakaze, kuyaye nende mu tshimenga tshia Ribla, mu ditunga dia Amate. Kumulamaye mu nzubu wa lukanu. Ke muvua Neko mujikije bukalenga bua Yowakaze nanku. Tshikondu atshi, Neko kuambila bena ditunga dia Yuda bua bafute tshiamu tshitoke tshia mushinga mukole kilo binunu bisatu, ne tshiamu tshia mpawungi kilo makumi asatu.

2 Bakalenga 18:21

Udi mutekemene kudi bena Ejipitu anyi? Bena Ejipitu badi anu bu tshikolu tshia dibue tshimane kutshibuka, padi muntu ushindamenapu, tshidi tshimutua mu tshianza. Ke mudi mukalenga wa bena Ejipitu wenzela bantu bonsu badi batekemena kudiye.

Yirmeya 48:45

Badi banyema mvita mbapungile. Badi bakeba muaba wa kuikisha mu tshimenga tshia Eshebone, tshivuabu balombole kale kudi mukalenga wa Sikone. Kadi kapia kavua kuosha ditunga dijima dia bilobu ebi, ku mikalu too ne munda mua ditunga.

Osheya 9:6

Panuanyema mu ditunga dienu, didibu bamane kunyangakaja, bena Ejipitu nebanuakidile. Kadi, amu bua kunuteka mu nkita ya mu tshimenga tshia Memfise. Mionji ya mpese neibuikile tshiamu tshienu tshitoke tshia mushinga mukole. Meba ne mingonga nebitoloke mu nzubu yenu.

Yeshaya 59:13

Tuvua bakutombokele. Tuvua bakutonuene mesu. Tuvua babenge kukulonda, wewe Mvidi Mukulu wetu. Tuvua bakule amu bua kukengeshangana, ne bua kutomboka. Tshitudi tuelangana meji munda, tshitudi natshi mu lungenyi, tshidi amu dishima.