Yirmeya 19:8 - MUKANDA WA MYIDI MUKULU

⁸ Tshimenga etshi netshi kemeshe bantu bonsu. Bapitshi ba mu njila nebazakale. Nebele mbila ya bowa, patangilabu muvuabu banyange tshimenga etshi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nendishe musoko eu bu tshintu tshidi tshikemesha bantu ne tshia kubingila ne tuseku; muntu yonso udi uhitshilaku neabingile ne tuseku bua makenga onso adi aukuata.

Yirmeya 19:8 交叉引用

Yirmeya 18:16

Bantu banyi bavua banyanga ditunga diabu bikole. Ke mudi bantu badi bapitshila mu njila bakema, bazakala, bakupa mitu, bakuatshika bowa.

Yirmeya 49:13

Ndinditshipane: Bu mundi Mvidi Mukulu, tshimenga tshiebe tshikulu tshia Bosra netshikale tshipela tshidi tshikuatshisha bantu bowa. Netshikale dikolu, muaba udibu batela bu tshilejilu padibu bela mulawu. Bimenga bidi mutumba ne Bosra nebibutuke tshiendelele.” Ke mudi Maweja-Nangila muambe nanku.

1 Bakalenga 9:8

Padi bantu bapitshila pabuipi ne nzubu munene ewu mumane kunyanguka, nebakeme, bapampakana ne bowa. Nebakonke ne: “Maweja-Nangila mmunyangakaje ditunga edi ne nzubu ewu nunku bua tshinyi?”

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

Yirmeya 50:13

Bua tshiji tshia Maweja-Nangila, ditunga dia Babilone nedishale munda mutupu, nedishale anu tshipela. Bantu badi bapitshila mu njila, basemena pabuipi ne Babilone, nebakeme, nebazakale, nebele bibingu, pamonabu mudi bionsu binyanguke.

Yirmeya 25:18

Meme kutuadija kunuisha bena mu Yerushalayime, bena mu bimenga bia Yuda, bakalenga ba balombodi ba mu bukalenga, bua kubabutula bonsu. Ditunga diabu ndishale lubuwa. Bionsu ebi, nebikemeshe bantu. Nebibeleshe bibingu. Nanku bantu nebatshipe batela tshilejilu tshiabu.

Lewitiki 26:32

Nennyangakaje ditunga dienu bikole. Nansha baluishi benu bine bapinganamu, nebakeme be.

Dielulula 28:37

Bena mu matunga ikale Maweja-Nangila munutume, nebakuatshike bonsu bowa, bua bionsu bidi binuenzekela. Nebishale bu nsumuinu, bantu bonsu banuseka.

Dielulula 29:22

“Ditunga dijima edi ndimane kunyanguka ku kapia, kabidi ne luepu. Kakuena mushindu wa kumiaminamu nansha wa kukunamu biakudia. Nansha bisosa mene kabiena bitolokamu. Bualu ditunga edi ndifuanangane ne bimenga bia Sodome ne Ngomore, Adma ne Seboyime, bivua Maweja-Nangila mubutule pawaye ne tshiji tshikole.”

Yezekiyele 27:36

Bangenda mushinga ba bisamba bia benyi, badi batshina, bakuzakela, batua mikemu, bualu wewe udi ubakuatshisha bowa, bu muudi munyanguke kashidi!”

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”