Yirmeya 15:7 - MUKANDA WA MYIDI MUKULU

⁷ Mu tshimenga tshionsu tshia ditunga, mvua muenze ne bantu banyi bu muntu udi upepula bintu, bua lupepele luya ne bisota. Mvua mutangalaje bantu banyi. Mvua mushipe bana badibu balela. Kadi kabavua bapingane kundi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nakubahehula ne tshihehudi ku bibuelelu bia mu buloba buabo; nakubanyenga bana bakalelabo, nakubutula bantu banyi, kadi kabakalekela bienzedi biabo bibi.

Yirmeya 15:7 交叉引用

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Yirmeya 51:2

Nentumine bena Babilone bantu benyi bua babipate mu ditunga diabu, mudi lupepela lupepula bisota. Dituku dindi ne bua kunyoka bena Babilone, baluishi babu nebafume nseke yonsu. Nebanyange ditunga kabayi bashiya kantu nansha kamue.”

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yeshaya 41:16

Neupepule mikuna, lupepele neluye nayi! Mvunde neayitangalaje. Kadi wewe neusanke, bualu meme ndi Maweja-Nangila webe, ndi nkusankisha. Neungele tuasakidila muvule, bua bidi Wa tshijila wa bena Izrayele ukuenzela.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Misambu 1:4

Kadi bantu babi ki mbena diakalenga! Badi bu bisota bidi lupepele lutangalaja.

Zekâya 1:4

Kanulondi malu avua bankambua benu benza. Bambi bavua bababela ku kale mu dina dianyi, bua balekele malu abu mabi ne ngenzelu yabu mibi. Kadi kabavua basue kubateleja. Kabavua bitabe.

Yezekiyele 24:25

Pashishe, Maweja-Nangila kungambila ne: — Yezekiyele, nembanyenge nzubu wanyi wa tshijila, muaba udibu basokomena, udibu batangila basanka, udibu badisua nawu, udibu batekemena bikole. Nembanyenge kabidi bana babu ba balume ne ba bakaji.

Dielulula 28:41

Nenulele bana ba balume ne ba bakaji. Kadi kanuakuikala nabu to, bualu nebaye mu bupika.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Dielulula 28:32

Nebakuate bana benu ba balume ne ba bakaji mu bupika kudi bantu benyi, nuenu batangile. Nenuikale bindile batangila ku njila, kadi bana benu abu kabayi bapingana kabidi to.

Dielulula 28:18

Maweja-Nangila kakunupa bana ba bungi. Kanuakuikala ne biakudia bia bungi. Ngombe yenu, mikoku ne mbuji kabiakuvulangana to.

Yezekiyele 36:12

Nuenu bantu banyi, nennusombeshe miaba yonsu mu ditunga dienu. Ditunga dijima nedikale dienu, kabakununyenga kabidi bana benu to.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.