Yirmeya 14:7 - MUKANDA WA MYIDI MUKULU

⁷ Bulelela bilema bietu bidi bibipisha. Kadi wewe Maweja-Nangila, utuambuluishe, anu bua dina diebe wewe. Tudi bakuenzele bibi misangu mivule. Tudi bakutombokele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.

Yirmeya 14:7 交叉引用

Osheya 5:5

Ditambisha dia bena Izrayele ke didi dibapisha. Bubi bua bena Efrayime ne bena Izrayele budi bubabutula. Bena Yuda badi balonda bibidilu biabu bibi.

Misambu 25:11

Maweja-Nangila, wewe udi Mvidi Mukulu. Mibi yanyi mmipite bungi! Umfuile luse!

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yeshaya 59:12

Maweja-Nangila, misangu mivule, tuvua bakutombokele. Bilema bietu bidi bibipisha. Buntomboji buetu mbutulamate. Tudi bamanye bimpe ntupakanyi yetu.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Efeze 1:12

Nanku tutumbishayi Mvidi Mukulu bua buneme buende, bualu tuetu ke bavua badianza kutekemena kudi Kristu!

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Osheya 7:10

Ditambisha dia bena Izrayele, ke didi dibasonguela. Kadi, nansha bobu bamona makenga onsu aa, kabena bapingana kundi meme Maweja-Nangila Mvidi Mukulu wabu to.

Yezekiyele 20:22

Kadi tshiena muenze nanku, bua bantu bavua bammone mpatula bena Izrayele mu Ejipitu, kabavu kumpepeja.

Yezekiyele 20:14

Kadi tshiena muenze nanku to, bualu bantu bavua bammone mpatula bena Izrayele mu tshipela, bavua mua kumpepeja.

Yezekiyele 20:9

Kadi, tshivua muenze nanku to, bua bena ditunga divua bena Izrayele basombe kabavu kumpepeja. Bualu bantu aba bavua bateleja mumvua mulaye bena Izrayele bua kubapatula mu Ejipitu.

Yirmeya 3:6

Tshikondu tshi vua mukalenga Yoshiya mu bukalenga, Maweja-Nangila kungambila ne: — Udi mumone mudi Izrayele wenda tshiendenda anyi? Udi uya miaba yonsu ku mikuna, ne muinshi mua mitshi yonsu idi ne dileji dia bungi, bua kuenda tshiendenda.

Misambu 115:1

Maweja-Nangila kabatutumbishi tuetu, kabatutumbishi to, bakutumbishe amu wewe. Bualu wewe udi utunanga, muikale kabidi muena diyi dimue.

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Yoshua 7:9

Bena Kenaane ne bantu bakuabu ba mu ditunga nebumvue lumu elu. Nebadisange bua kutuluisha. Nebatubutule. Kadi mudibu mua kujadika mpindiewu muudi ne bukole mbishi?

Dielulula 32:27

Kadi bena lukuna babu bavua mua kunseka, kuela meji ne: tuetu ke bavua bababutule, Maweja-Nangila kena ne tshidiye wenza.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Misambu 79:9

Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Yeshaya 48:11

Pandi muenze nanku, bidi amu bua lumu luanyi, eyowa, amu bua lumu luanyi. Bualu tshiena musue bua bapepeje dina dianyi. Tshiena musue bua bantu bakuabu bangate lumu ludi luanyi meme.

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Amosa 7:2

Ke mpasu kudia bisosa ne bisaala bionsu bivua mu ditunga. Nanku meme kuamba ne: “Maweja-Nangila Mvidi Mukulu, ndi nkusengelela: fuila bantu bebe luse. Tshianana, nebashale ne muoyi bishi? Bualu badi amu bakese, batekete kabidi.”

Yirmeya 5:25

Buenzayi buenu mbunyangishe bionsu ebi. Bubi buenu kunupangisha masanka onsu aa.

Yirmeya 10:19

Eyi ndi ndila, dikenga ndintonde. Kabena mua kuondapa mputa yanyi minene. Meme kuela meji ne: dikenga ki ndinene menemene to. Ndi mua kudiunwua ne lutulu.

Mika 7:9

Maweja-Nangila mmutunyoke ne tshiiji, bualu tuvua bamuenzele bibi. Kadi diba nedifike didiye utulumbuluisha, utubingisha. Yeye neatupingaje mu butoke, neatuenzele malu mimpe mavule.