Yirmeya 14:6 - MUKANDA WA MYIDI MUKULU

⁶ Nyama ya mpunde idi imana pa mikuna idi kayiyi ne bisosa. Idi yeyakana bikole mudi nyama ya mibuabua yenza. Idi ikeba bisosa ipanga. Bualu kakuena kabidi kantu to.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nyama ya mpunda ya ha mpata idi imana ha mutu ha mikuna idi kayiyi ne mashinde, idi ihuyakana bu mibuabua; mesu ai adi ateketa-teketê, bualu bua kakuena mashinde a kudia.

Yirmeya 14:6 交叉引用

Yirmeya 2:24

Udi bu nyama wa mpunde mukaji, udi muibidile mu tshisuku, mumanye njila yonsu ya mu tshipela. Nyama awu udi ununkila lupepele ne lukuka lukole. Kakuena tshidi mua kumukandika bua kuyaye kudi nyama mikuabu. Nyama ya mpunde milume idi ikeba mukaji awu, imupeta lukasa misangu yonsu idiye mumvue muoyi wa kuya kudi mulume.

Yowele 1:18

Telejayi mudi nyama itua mikemu! Bisumbu bia ngombe bidi bitambakana nseke yonsu, bualu kayena kabidi ne bisosa bia kudia. Mikoku mene idi ifua.

Muadi 5:17

Muoyi wetu udi usama munda, mesu etu adi muwule ne binsonji,

Muadi 4:17

Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

1 Samuele 14:29

Yonatane kuamba ne: — Tatu mmukengeshishe ditunga edi! Mona katshia ngadia buitshi bukese, ndi mupete bukole.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.