Yirmeya 14:12 - MUKANDA WA MYIDI MUKULU

¹² Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Yirmeya 14:12 交叉引用

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Yezekiyele 14:21

Pashishe, Maweja-Nangila kungambila ne: — Ndi mutumine Yerushalayime bipupu binene binayi! Ke mvita, tshiyole tshia nzala, nyama ya lonji, ne disama dia tshiambu tshikole, bua kubutula bantu ne nyama.

Yirmeya 24:10

Nembatumine mvita, tshiyole tshia nzala, ne disama dia tshiambu, bua bajimine pa buloba bumvua mubapeshe bobu ne bankambua babu.

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 9:16

Ke mudi Mvidi Mukulu wa bukole buonsu wamba nanku. Elayi meji ku malu adi enzeka lelu. Nubikile bakaji badi badila. Nutume bantu baye kukeba bakaji badi bamanye mua kudila mu madilu.

Yeshaya 58:3

Kadi badi bankonka ne: “Mutuajila biakudia mmunyi, paudi kuyi utumona? Mutuadikengesha mmunyi, paudi ulengulula bualu ebu?” Nenku meme kuandamuna ne: Tangilayi mene tshinudi nuenza: nansha nuenu bajile biakudia, nudi nukeba kudisankisha amu nuenu nkayenu. Nudi nukengesha bena mudimu benu.

Nsumuinu 28:9

Pikala muntu kayi uteleja tshidi mikenji yamba, nenku Mvidi Mukulu kakumuteleja padiye umutendelela nansha.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Didimanyisha 6:8

Nkenzakana, ke meme kumona kabalu ka mubidi mutokoloke bu tshitalu. Uvua mubandepu, bavua bamuinyika ne: “Lufu!” Bavua bamulonda kudi kandondu ka bafue. Kubipeshabu bumfumu bua tshia binayi tshimue tshia buloba, bua kushipesha bantu ku muele wa mvita, ku tshiyole tshia nzala, ku disama dia tshiambu, ne ku nyama ya lonji.

Yobe 27:9

Padi dikenga dimukuata, yeye mutendelele Mvidi Mukulu, neamuteleje anyi?

Yirmeya 8:13

Maweja-Nangila udi wamba ne: pandi musue kupola tumuma tua mvinyo munkatshi mua bantu banyi, tshiena mpeta kamuma nansha kamue, tshiena mpeta tshimuma nansha tshimue tshia mutshi wa mfiku. Mabeji a mutshi mene adi mafubidile. Nanku, ndi ndekela mitshi eyi, ishale ya bantu bonsu badi bapita mu njila.

Yirmeya 21:6

Nenshipe bantu badi basomba mu tshimenga etshi, bantu ne nyama. Nebafue ku disama dikole dia tshiambu.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yezekiyele 14:19

Misangu mikuabu, ndi mua kutumina bantu aba disama dia tshiambu tshikole. Ndi mua kubaleja tshiji tshianyi, kubatumina tshipupu etshi tshia disama dia tshiambu, tshidi mua kushipa bantu ne nyama mu ditunga.

Osheya 5:6

Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Amosa 5:21

Maweja-Nangila udi wamba ne: Ndi mbenga bibilu bienu, tshiena musue kubimona kabidi to. Ndi ngumvua muenge, panudi nusangila bua kuntendelela,

Malaki 1:10

Bivua mua kuikala bimpe, bua muntu wa munkatshi muenu, akange biibi bia ku nzubu wa Mvidi Mukulu, bua kanutemeshi kabidi kapia pa tshilambuilu tshianyi. Bualu kanuena ne tshia nsongu tshinudi nuenzamu. Bualu meme Maweja-Nangila wa bukole buonsu ndi njadika ne: tshiena nsanka bua kunumona. Milambu inudi nundambula kayena indengelela nansha.

Malaki 2:13

Bualu buibidi bunudi nuenza mbobu ebu: nudi nubolesha tshilambuilu tshia Maweja-Nangila ne binsonji; nudi nudila, nutua mikemu, bualu Maweja-Nangila katshiena utangila milambu yenu, katshiena wanyisha binudi numulambula.

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!