Yirmeya 13:22 - MUKANDA WA MYIDI MUKULU

²² Nanku neukonke ne: “Makenga onsu aa adi ankuata bua tshinyi?” Bu muudi wenza tshilema tshinene, nebakuvule bilamba, babibandishe too ne ku mutu, nebakuenzeje malu ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

²² Biwadikonka mu mutshima webe ne, Malu â onso akunkuata bua tshinyi? Mbua malu mabi ebe a bungi badi bavula bivualu biebe, ne dikenga didi dikukuata to ne ku bikankanyi biebe.

Yirmeya 13:22 交叉引用

Nahume 3:5

Maweja-Nangila wa bukole buonsu, udi wamba ne: Ninive, nenkunyoke, nenkukopuele bilamba ku mutu, mubandishe too ne ku mpala. Nenkushiye butaka ku mesu a bukua bisamba, bonsu nebakumone muudi.

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”

Osheya 2:10

Mukaji awu kavua muitabe ne: meme Maweja-Nangila ke uvua umupesha ntete ya kuenza bukula, maluvu a mvinyo, ne mafuta mapiamapia. Meme ke uvua mumunemeshe ne nkanu ya tshiamu tshitoke tshia mushinga mukole, ne ya mpawungi, bivuaye utendelela nabi mvidie Baale.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Yirmeya 13:26

Meme nenkuvule bilamba, nembibandishe too ne ku mutu webe, bua bakumone butaka.

Dielulula 7:17

Misangu mikuabu nudi nuela meji ne: “Bisamba abi mbitupite bukole! Katuena ne mushindu wa kubinyenga bidibu nabi to!”

Yeshaya 3:17

Nenku Maweja-Nangila neabakungule mu mutu, neabashiye butaka.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Yeshaya 47:8

Nenku teleja mpindiewu, wewe mulunda wa masanka, udi musombe talalaa kuyi ne bualu. Wewe udi udiambila munda ne: “Meme tshiena ne undi mfuanangana nende! Tshiakuikala mukaji mukamba to. Tshiakufuisha bana banyi to.”

Yeshaya 20:4

Mukalenga wa bena Ashure neaye kuende ne bantu, bana ne bakulumpe, badiye mukuate mu Ejipitu, ne mu ditunga dia bena Kushe. Bonsu aba nebaye kabayi ne bilamba pambidi, nansha bisabata ku makasa. Bena Ejipitu nebafue bundu, padibu batangila bantu kunyima kutupu.

Dielulula 18:21

Misangu mikuabu nudi mua kudikonka ne: Mmushindu kayi utudi mua kumanya ne: bualu ebu kabuena bufuma kudi Maweja-Nangila?

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

Yirmeya 14:16

Kadi bantu bavuabu bambila malu nebafuile mu misesu ya mu Yerushalayime, ku mvita ne ku tshiyole tshia nzala. Kakuena muntu udi mua kujika bitalu biabu, nansha bia bakaji babu, nansha bia bana babu ba balume, nansha bia bana babu ba bakaji. Nanku nembanyoke bua malu mabi avuabu benze.

Yezekiyele 23:26

Nebakuele bilamba biebe, bumushe ne bilengejilu biebe.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.