Yirmeya 12:6 - MUKANDA WA MYIDI MUKULU

⁶ Bualu nansha bantu bena diku diebe, nansha bana benu mene mbakuyile tshitungu. Badi bakunguja bantu ba kukuluisha, wewe kuyi mumanye. Wadimuke padibu bakuambila miaku ya lubombu!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua bana benu mene ne ba mu tshiota tshia tatu webe bakukutungila tshitungu; bobo mene badi bakulonda ne mbila; kuitabushi mei abo, nansha biakuambilabo mei mimpe.

Yirmeya 12:6 交叉引用

Nsumuinu 26:25

Nansha yeye muakule ne diyi dimpe, kumuitabi to. Bualu udi ne malu a kadiwu munda tente.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Matayi 10:21

Bantu nebafile bana babu bua kubashipabu. Baledi nebenze bia momumue ne bana babu balela. Bana pabu nebatombokele baledi babu; nebabashipeshe.

Yirmeya 11:21

Ke mudi Maweja-Nangila wa bukole buonsu ne bualu budiye musue kuambila bena Anatote, badi bakeba kunshipa. Bena musoku wetu badi bankandika ne: “Kuena mua kuikala kabidi muambi udi umanyisha bantu malu mu dina dia Maweja-Nangila. Tshianana tudi tukushipa.”

Yirmeya 11:19

Mvua muana wa mukoku udibu baye nende ku tshishipelu, kayi ubenga. Tshivua mumanye ne: badi bangelela meji mabi. Bavua bambilangana ne: “Tujule mutshi patshidi wu ne bukole. Tuupule. Nanku muntu kamanyi ne: mutshi udi muaba ewu.”

Bienzedi 18:12

Pavua Ngaliyone muena Rome mupete muanzu wa mulombodi wa buloba bua Akaya, bena Yuda kumyuangana bua kuluisha Polu. Kumukuatabu, kuya nende ku tshilumbuluilu,

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Misambu 69:8

Badi bampenda, bangela bibingu, bualu ndi muntu webe!

Yobe 6:15

Balunda banyi bavua bandinga bu mudi musulu mua kudinga bantu. Musulu uvua ne mayi mavule, mpindiewu ukadi mume.

Yowanane 7:5

(Bana babu mene kabavua bamuitaba to).

Marke 12:12

Bamfumu ba bena Yuda bavua bakeba mushindu udibu mua kukuata Yezu. Bualu bavua bamanye muvuaye wela lusumuinu elu bualu buabu. Kadi bavua batshina bantu, nenku bobu kumulekela kuyabu.

Yeshaya 31:4

Maweja-Nangila uvua mungambile ne: “Nyama wa ntambue, nansha mukole nansha muana, udi ukungula padi tshisumbu tshia balami ba mikoku basue kumunyenga nyama udiye mukuate. Kena ne bowa bua bibingu bidibu bamuela to. Kena ushiya nyama panshi bua mutoyi ewu to. Ke mudibi buanyi meme, Maweja-Nangila muena bukole buonsu, pambapueka pa mukuna wa Siyone, bua kunuluila bua baluishi benu kabanuenzedi bibi.”

Bienzedi 16:22

Bantu bonsu bavua basangile muaba awu kuela Polu ne Silase bibingu. Ke balombodi kutuma diyi, bua babavule bilamba, babatuutshishe mikaba.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yirmeya 9:5

Maweja-Nangila udi wamba ne: “Bantu aba badi anu bena buenzavi. Badi anu bashimangana. Kabena basue nansha kakese kumvuangana nanyi to.”

Misambu 12:3

Bantu bonsu badi amu bashimangana. Badi batua muntu makumbu, munda muabu bikale bamujana.

Nsumuinu 23:8

Biakudia bitshiya munda neubiluke. Lumbandi luudi umuela nelujimine patupu!

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.