Yirmeya 10:21 - MUKANDA WA MYIDI MUKULU

²¹ Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua balami bonso bakuandamuka bahote, kabakulomba lungenyi kudi Yehowa; nunku kabakuheta diakalengele, ne bisumbu bionso bia bimuna biabo biakutangadika.

Yirmeya 10:21 交叉引用

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Zekâya 10:3

“Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Yirmeya 8:9

Bena meji nebafue bundu, nebapampakane padibu babakuata, baya nabu mu bupika. Bu mudibu kabayi bitabe miaku ya Maweja-Nangila. Meji abu neabambuluishe ku tshinyi?

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 49:32

Muluishi neangate nyama yabu ya tumelu. Neabanyenge bimuna biabu bivule mu mvita. Nentangalaje bantu bonsu aba, badi bakungula nsuki pa mpipu. Ke mudi Maweja-Nangila wamba nanku.

Yirmeya 10:14

Bantu bonsu badi bapuwa muaba awu bazakala, kabayi bumvua bualu. Bansenda bavua benza mpingu, bumvua bundu bua mpingu ivuabu bafule, bualu mpingu eyi ivua ibadinga. Kayena yeyela nansha kakese.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 22:30

Udi wamba ne: “Bafunde muntu ewu mu mukanda wa bakalenga bu muntu udi kayi ne bana! Nsongalume awu mmupange bionsu. Muntu nansha umue wa ku ndelanganyi yende kakusomba pa nkuasa wa bukalenga bua Davide, kakuikala mfumu wa Yuda to.”