Yirmeya 1:17 - MUKANDA WA MYIDI MUKULU

¹⁷ Wewe Yirmeya, kolesha muoyi. Umuka! Uye kubambila bionsu bindi nkuambila bua wewe kubamanyisha. Kabatshinyi to. Wewe mubatshine, meme nenkukuatshishe bowa kumpala kuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Yirmeya 1:17 交叉引用

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.

Luke 12:35

— Shalayi balongame. Nudisuike mikaba mu tshimonu. Ambulayi miendu yenu mitemesha.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Ekesode 7:2

Newambile Arone malu onsu andi mukuambile, bua aye kumanyisha mukalenga wa bena Ejipitu, bua anyishe bena Izrayele bumuke mu ditunga diende.

Yobe 38:3

Kadi bidi amu bimpe, juka, uleje muudi kalume ka mukaba, nenkuele lukonku bua ungandamune.

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Bienzedi 20:20

Nudi bamanye ne: pamvua munulongeshe, munumanyishe malu onsu mu bisangilu ne mu nzubu yenu, tshivua munusokoke bualu nansha bumue buvua mua kunulengelela.

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

1 Korente 9:16

Tshiena mua kuditemba, bua pandi mmanyisha bantu Lumu lua Disanka nansha. Bualu mbujitu budi bungomekela. Tshiyi ntangalaja Lumu lua Disanka, ndi muena diakabi.

Yona 3:2

— Juka, uye mu tshimenga tshinene tshia Ninive, umanyishe benatshi malu onsu andi mukuambile.

Yirmeya 17:18

Bantu badi bankengesha, bundu bubakuate amu bobu! Kadi kabunkuatshi meme! Bowa kabidi bubakuate amu bobu! Kabunkuatshi meme! Ubatumine dituku dia dikenga. Ubazaze kashidi.

2 Bakalenga 4:29

Elisha kukonka Ngeyazi ne: — Udi mumane kudilongolola bua kuya anyi? Angata dikombu dianyi dia buambi, uye ku Shuneme. Wewe musangile ne muntu mu njila, kuimanyi bua kumuela muoyi to. Padi muntu musue kukuela muoyi, kujimiji diba bua kuyukila nende to. Pawafika, uteke dikombu dianyi pa mpala pa muana.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

2 Bakalenga 9:1

Dituku dikuabu, muambi Elisha kubikila nsongalume wa mu tshisumbu tshia bambi, kumuambila ne: — Udilongolole, ndi nkutuma ku luendu. Angata kalondu ka mafuta a tshijila aka. Uye mu tshimenga tshia Ramote mu ditunga dia Ngilaade.

2 Bakalenga 1:15

Mutumibue wa Maweja-Nangila kuambila Eliya ne: — Tuluka, uye nende, kutshinyi to. Muambi Eliya kutuluka, kuya ne mulombodi wa bena mvita kudi mukalenga Akaziya.

Yirmeya 1:18

Biangatshile lelu, nenkupeshe bukole. Newikale bu tshimenga tshikolesha ne bimana, bu dikunji dia tshiamu, bu tshimana tshiasa ne tshiamu tshikunze, kumpala kua bena ditunga bonsu, kua bamfumu ba bena Yuda, balombodi ba mu bukalenga, batuangaji ne bantu bakuabu bonsu, badi basomba mu bukalenga.

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yirmeya 26:12

Kadi Yirmeya kuambila balombodi bonsu ba mu bukalenga ne bantu bonsu bavua muaba awu ne: — Maweja-Nangila ke uvua muntume bua kunumanyisha bionsu binuvua bumvue, bualu mmubenge nzubu ewu ne tshimenga etshi.

Yirmeya 36:8

Baruke uvua mulonde mikenji yonsu ivua muambi Yirmeya mumuambile. Kubuelaye mu nzubu wa Mvidi Mukulu bua kubalamu ne diyi dikole malu a Maweja-Nangila avuaye mufunde pa tshiseba.

Muadi 3:57

Pamvua mukubikile uvua musemene pabuipi nanyi. Wewe kungambila ne: “Kutshinyi nansha.”