Yezekiyele 9:8 - MUKANDA WA MYIDI MUKULU

⁸ Diba divuabu benda bashipa bantu, meme kushala nkayanyi mutue mpala panshi, ngamba ne: — Eyi! Maweja-Nangila Mvidi Mukulu, paudi mufikile bena Yerushalayime munda, ubashipa nanku, udi musue kubutula bena Izrayele bonsu batshidi bashale ne muoyi anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hakadibo bashiha bantu bakuabo ne hanakashala nkayanyi, nakatua mpala wanyi hanshi, nakabandisha dî dianyi, nakamba ne, Aka, Mukelenge Yehowa! Neushihe bonso ba mu Isalele badi bashala ne muoyo mu kuhumuna eku kua tshiji tshiebe tshikole hamʼbidi ha Yelushalema, anyi?

Yezekiyele 9:8 交叉引用

Yezekiyele 11:13

Pamvua ngambila bantu miaku ya Maweja-Nangila ayi, Pelatiya, muana wa Benaya, kufua. Meme kutua mpala panshi, kuela mbila ne: — Eyi! Maweja-Nangila Mvidi Mukulu, neushipe bena Izrayele bonsu badi bashale anyi?

Yezekiyele 4:14

Meme kuela diyi ne: — Eyi! Maweja-Nangila Mvidi Mukulu, meme katshia tshiena muanji kupia mikiya musangu nansha umue to. Bituadije ku buana buanyi, tshiena muanji kudia munyinyi wa nyama mudifuile, nansha mushipa kudi nyama mukuabu wa tshisuku to. Munyinyi udi mupie mikiya ki mmuanji kubuela mukana muanyi to.

1 Kulondolola 21:16

Davide uvua umona mutumibue, uvua ubutula bantu, muimane pankatshi pa diulu ne buloba, mutume muele wende luseke lua Yerushalayime. Davide ne bakulu ba ditunga bavua bavuale bilamba bia madilu, batue mpala panshi.

Yoshua 7:6

Yoshuwa ne bakulu ba bena Izrayele, kudipanda bilamba. Kudielabu malaba mu mitu, badiela mpala panshi kumpala kua mushete wa tshijila wa Maweja-Nangila too ne ku dilolu.

Dibadika 14:5

Moshe ne Arone kudiela panshi kumpala kua bena Izrayele bonsu.

Yirmeya 14:19

Maweja-Nangila udi mubenge bena Yuda anyi? Kuena mumanye kabidi bena Siyone anyi? Udi mututape mputa idi kayiyi yuma bua tshinyi? Tuvua batekemene ne: bionsu nebikumbane, kadi katuena bamone tshia nsongu nansha tshimue. Tuvua bindile tshikondu tshivua makenga etu ne bua kujika, kadi tudi tumona amu malu adi atukuatshisha bowa.

Yirmeya 14:13

Ke meme kuandamuna ne: — Eyi Maweja-Nangila Mvidi Mukulu, bambi badi babambila ne: “Kanuakuikala ne mvita nansha tshiyole tshia nzala to. Bualu Mvidi Mukulu mmunulaye ne: nenusombe anu talalaa mu ditunga dienu.”

Yirmeya 4:10

Nebakeme bamba ne: “Eyi, Maweja-Nangila Mvidi Mukulu uvua ushima bena tshisamba etshi. Uvua udinga bena Yerushalayime, ubalaya ne: nenumone diakalenga. Mpindiewu muele wa mvita ukadi pa kutukosa miminu!”

Ezela 9:5

Dilolu, diba dia kulambula milambu dikumbana, meme kumuka muaba umvua nsomba mubungame. Ntshivua ne tshinkutu tshianyi ne bilamba bianyi bimvua mupande. Meme kutua binu panshi, kuela bianza mulu kudi Maweja-Nangila Mvidi Mukulu wanyi,

Dielulula 9:18

Pashishe meme kudiela panshi kumpala kua Maweja-Nangila. Meme kushala muaba awu matuku makuabu makumi anayi a munya ne butuku, tshiyi mua kudia nansha kunua. Mvua muenze bionsu abi, anu bua bubi bu-nuvua benze. Nuenu kuenza bidi Maweja-Nangila ubenga, kumufikisha munda.

Dibadika 16:4

Moshe umvua nanku, kudielaye mpala panshi.

Genese 18:23

Abrahame kusemena kudiye, umukonka ne: — Maweja-Nangila, neubutule muntu muakane pamue ne muena tshibawu anyi?

Yezekiyele 7:8

Mpindiewu, tshiena mua kunengakana kabidi to. Nennunyoke mudi tshiji tshianyi tshingambila. Nennulumbuluishe, nnunyoke bilondeshile malu enu mabi anudi benze.