Yezekiyele 9:6 - MUKANDA WA MYIDI MUKULU

⁶ Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ shihai bantu bakulumpe, bansongalume ne mishikankunde, bana batekete ne bakashi; kadi kanuyi ha buihi ne muntu umue udi ne tshimanyinu atshi. Bangilai ku nsubu wanyi wa tshijila. Nunku bakabanga kushiha bakulu bakadi ku mpala kua nsubu.

Yezekiyele 9:6 交叉引用

Didimanyisha 9:4

Kuyikandikabu bua kayinyangi bisosa, nansha mitshi, nansha biakudia bia pa madimi; kadi ikengeshe amu bantu bavuabu kabayi batue tshitampi tshia Mvidi Mukulu pa mpala.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Didimanyisha 7:3

“Kanubutudi buloba, nansha mayi manene, nansha mitshi. Tuanji kutua tshitampi pa mpala ya bantu ba Mvidi Mukulu wetu.”

Yirmeya 25:29

Tshiena mfuila tshimenga tshidi tshianyi meme luse. Ke nuenu kuela meji ne: katuena bena tshibawu. Nentume muele wa mvita, bua ushipe bantu bonsu badi mu buloba bujima. Ke mundi meme Maweja-Nangila wa bukole buonsu ngamba.”

Luke 12:47

Muena mudimu udi mumanye bidi mfumuende musue, kadi ubenga kudilongolola bua kubikumbaja, nebamutuute bikole.

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

Dielulula 2:34

Tuetu kushisha kunyenga bimenga biende bionsu, kubibutuilamu, kushipa balume, bakaji ne bana. Katuena bashiye muntu ne muoyi to.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Amosa 3:2

“Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Yezekiyele 11:1

Mueyelu wa Maweja-Nangila kungambula pa buloba, kuya kunteka ku tshiibi tshia luseke ludi diba dipatukila lua nzubu wa Mvidi Mukulu. Pabuipi ne tshibuelelu tshia nzubu wa Mvidi Mukulu, meme kumona bantu balume makumi abidi ne batanu. Ku bantu abu mvua mumanye balombodi babidi ba bantu: ke Yazaniya, muana wa Azure, ne Pelatiya, muana wa Benaya.

Dielulula 3:6

Tuetu kubutula misoku eyi ne bantu bonsu ba wamu, balume, bakaji ne bana, anu bu mutuvua benze mu ditunga dia Sihone, mukalenga wa Eshebone.

Genese 4:15

Maweja-Nangila kumuandamuna ne: — Muntu kena ukushipa to. Muntu wakenzela bibi, nebamusombuele misangu muanda mutekete. Maweja-Nangila kuteka tshimanyinu pambidi pa Kayine bua muntu yonsu wasangila nende kamuenzedi bibi to.

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Yirmeya 16:6

Nanku, mu ditunga edi bantu bonsu, bena biuma ne bapele, nebafue. Bantu kabakubajika, kabakubadila. Kakuakuikala muntu udi mua kunyingalala, kuditapa mputa pambidi, nansha kudibeya nsuki.

Yezekiyele 9:4

Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Yezekiyele 9:5

Pashishe, meme kumvua Maweja-Nangila wambila bantu bakuabu batanu aba ne: — Londayi muntu ewu mu tshimenga, nushipe bantu bonsu badi basombamu. Kanubafuidi luse, kanushiyi muntu ne muoyi nansha.

Dielulula 32:23

Ndi musue kubavudijila makenga. Ndi musue kubasa mikete yanyi yonsu.

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?