Yezekiyele 9:4 - MUKANDA WA MYIDI MUKULU

⁴ Maweja-Nangila kumuambila ne: — Endakana mu tshimenga tshijima tshia Yerushalayime. Ufunde tshimanyinu pa mpala ya bantu bonsu badi badila, banyingalala bua malu mabi onsu adi bantu benza mu tshimenga etshi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa mene wakamuambila ne, Hitshila mu musoko, munkatshi mua misesu ya Yelushalema mene, funda tshimanyinu ha mpala ha bantu badi bahumuna muoyo ne badi badila bualu bua malu a bundu adi bakuabo benza munkatshi muau.

Yezekiyele 9:4 交叉引用

Didimanyisha 9:4

Kuyikandikabu bua kayinyangi bisosa, nansha mitshi, nansha biakudia bia pa madimi; kadi ikengeshe amu bantu bavuabu kabayi batue tshitampi tshia Mvidi Mukulu pa mpala.

2 Korente 1:22

ututua tshitampi tshiende bua kuleja ne: tudi bende, utupa kabidi Mueyelu wa Tshijila bu tshieya tshia bionsu bidiye utulamina.

Didimanyisha 14:1

Pashishe nkenzakana, meme kumona Muana wa mukoku muimane kulu pa mukuna wa Siyone. Uvua ne bantu binunu lukama ne makumi anayi ne binayi, bavuabu bafunde dina diende, ne dia Tatu wende, pa mpala.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Misambu 119:53

Tshiji tshidi tshinkuata pandi mmona bantu babi, babenga mikenji yebe.

Ekesode 12:7

Ku nzubu yonsu kudibu badie munyinyi awu, nebalabe mashi ku dibaya didi kulu kua tshiibi ne ku mabaya adi ku nseke yatshi.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Yezekiyele 21:6

Maweja-Nangila kuamba kabidi ne:

Yezekiyele 6:11

Maweja-Nangila Mvidi Mukulu udi wamba ne: “Kanutekemenyi kabidi to. Nutue mikuma panshi, nuele mbila bua kudiwula malu mabi onsu adi bena Izrayele benze. Nebafuile mu mvita, ku tshiyole tshia nzala, ne ku disama dia tshiambu.

2 Korente 12:21

Pangafika bua kumonangana nenu, ndi ntshina ne: Mvidi Mukulu wanyi neampuekeshe milongu ku mesu enu. Bualu nengase muadi, pandi mmona ba bungi bavua benze bibi kale, kabayi badilengeja lelu. Nanku nulekele buendenda, malu a bundu, ne bilema bikuabu binuvua benze.

2 Bakalenga 22:13

— Nuye kukonka Maweja-Nangila, buanyi meme ne bua bena Yuda bonsu, tumanye tshitudi mua kuenza, bua malu adibu bafunda mu mukanda udibu bangula ewu. Bualu bankambua betu kabavua bakumbaja mikenji yonsu ivuabu bafundemu to. Ke padi Maweja-Nangila mutufikile munda bikole.

Ngalate 6:17

Matuku adi kumpala, muntu kantatshishi kabidi to. Bualu bibangu bindi nabi ebi bidi bijadika mundi mupika wa Yezu.

Genese 4:15

Maweja-Nangila kumuandamuna ne: — Muntu kena ukushipa to. Muntu wakenzela bibi, nebamusombuele misangu muanda mutekete. Maweja-Nangila kuteka tshimanyinu pambidi pa Kayine bua muntu yonsu wasangila nende kamuenzedi bibi to.

Yezekiyele 9:5

Pashishe, meme kumvua Maweja-Nangila wambila bantu bakuabu batanu aba ne: — Londayi muntu ewu mu tshimenga, nushipe bantu bonsu badi basombamu. Kanubafuidi luse, kanushiyi muntu ne muoyi nansha.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Amosa 6:6

Nudi nunuina maluvu mu makopu manene. Nudi nudilaba pambidi mafuta a dipembu dimpe. Kadi kanuena nunyingalala bua bisamba bia Yozefe, bidi biamba kubutuka.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Sefanya 3:18

Maweja-Nangila udi wamba ne: “Nenjikije dikenga dienu, nennumushe bundu.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.