Yezekiyele 8:12 - MUKANDA WA MYIDI MUKULU

¹² Mvidi Mukulu kunkonka ne: — Yezekiyele, udi mumone bimpe bidi bakulu ba bena Izrayele benza mu musokoku, muntu yonsu udi ku muaba udi bimfuanyi bia mvidie wende. Badi basue kudibingisha, bamba ne: “Maweja-Nangila kena mutumone to. Mmumane kumuangala mu ditunga.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Hashishe Yehowa wakangambila ne, Muana wa muntu, udi umona bu mudi bakulu ba mu tshisamba tshia Bena Isalele benza mu mîdima, muntu ne muntu mu nsubu wandi wa mindidimbi, anyi? Bua badi bamba ne, Yehowa kena utumona; Yehowa wakulekela buloba buetu, wakumuka.

Yezekiyele 8:12 交叉引用

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Yezekiyele 8:15

Mvidi Mukulu kunkonka ne: — Yezekiyele, udi mumone bimpe bionsu ebi anyi? Neumone kabidi malu mabi makuabu.

Efeze 5:12

(Bidi bienza bundu mene bua kuamba malu adi bantu abu benza mu musokoku.)

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Yezekiyele 20:1

Tshidimu tshia muanda mutekete, tshivuabu bamane kuya ne bena Izrayele mu bupika, dituku dia dikumi dia ngondu muitanu, bakulu bakuabu ba bena Izrayele kufika bua kunkonka ne: tshidi Maweja-Nangila musue menemene ntshinyi? Bobu kusomba panshi kuntangila.

Yezekiyele 14:1

Dituku dikuabu, bakulu ba bena Izrayele kufika bua kungebeja malu.

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Yezekiyele 8:11

Bakulu makumi muanda mutekete ba bena Izrayele bavua bimane kumpala kua bimfuanyi abi. Ku bakulu aba, kuvua Yazaniya, muana wa Shafane. Mukulu yonsu uvua mukuate ku tshianza mbabula wa kuoshila manananshi. Muinshi wa musenga wa kamonya uvua ubanda mulu.

Misambu 73:11

Batu bebeja ne: “Tshidi Mvidi Mukulu mumanye ntshinyi? Yeye udi mulu muamua, tuetu panshi!”

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Yeshaya 47:10

Uvua mutekemene lupandu, amu bua bibi biuvua wenza. Uvua wamba ne: “Muntu kena ummona”. Kadi budiambi buebe bua ne: Ndi mumanye, ndi ne lungenyi lutue, ke budi bukutshimbakaja! Ukadi wamba ne: “Meme tshiena ne undi tufuanangana nende!”

Yezekiyele 8:13

Maweja-Nangila kuamba kabidi ne: — Neumone mudibu benza kabidi malu mabi makuabu, mapite wowu aa ku bubi.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Dielulula 27:15

“Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

2 Bakalenga 17:9

Bena Izrayele bavua bakula miaku mibi, babenga Maweja-Nangila Mvidi Mukulu wabu. Bavua badiashila miaba ya kutendelela mvidie mu misoku yabu yonsu, nansha mu misoku mikese ivua ku mikalu, too ne mu bimenga bivuabu bibaka ne bimana bikole.