Yezekiyele 8:10 - MUKANDA WA MYIDI MUKULU

¹⁰ Meme kubuelela mu tshimana, kumona nseke yonsu muvua bantu bazole bimfuanyi bia bilandadi ne bia nyama mibi mikuabu ku bimana. Bavua bazolepu mpala ya mvidie yonsu idi bena Izrayele batendelela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku nakabuelamu, nakatangila, ekumona! Bifuanyikishi bionso bia bintu bidi bidikoka hanshi, bia nyama mibiha, ne bia mpingu yonso ya Bena Isalele, biakadi bifunda ku nseke yonso ya bimanu bia nsubu.

Yezekiyele 8:10 交叉引用

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Ekesode 20:4

“Kusongi mpingu ya mvidie. Kuenji tshimfuanyi tshia tshintu nansha tshimue, nansha tshidi mulu mu mavuba, nansha tshidi panshi pa buloba, nansha tshidi mu mayi adi muinshi mua buloba.

Yirmeya 16:18

Ndi musue kubanyoka bikole bua malu mabi avuabu benze, ne bua tshilema tshiabu. Bualu mbanyange ditunga dianyi ne mpingu yabu indi mbenga idi bu bitalu. Bavua bateka mvidie ya dishima miaba yonsu mu ditunga dianyi.

Yirmeya 3:9

Kuendaye tshiendenda ne mvidie ya mabue ne ya mitshi. Ke muvua Yuda munyangakaje ditunga.

Dielulula 14:3

Nyama idi ne mikiya idi Maweja-Nangila mubenge, kanuena mua kudia munyinyi wayi to.

Dielulula 4:18

bilandadi, nansha minyinyi ya mu mayi.

Yeshaya 44:13

Musongi wa mpingu ya mitshi, udi uteka tshipimu pa mutshi, ufunda tshimfuanyi tshia lupingu ne lupemba. Udi utuadija mudimu ne ntapu wa mutshi, pashishe ubulunguja ne dikangu. Udi usonga lupingu luleja mpala wa muntu, mpala muimpe mutambe. Kadi badi baluteka mu nzubu, kaluyi lunyunga.

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Yirmeya 44:21

— Mu bimenga bia Yuda ne mu misesu ya mu Yerushalayime nukavua balambule milambu eyi, nuenu, bankambua benu, bakalenga benu, balombodi benu ba mu bukalenga ne bana benu. Kadi binuvua benza ebi Mvidi Mukulu kavua mubimanye anyi? Nudi nuela meji ne: mmubipue muoyi anyi?

Yezekiyele 8:9

Mvidi Mukulu kuamba ne: — Buelela mu tshimana, umone malu mabi mapite andi meme mubenge, kadi adi bantu aba benza muaba ewu.

Yezekiyele 8:11

Bakulu makumi muanda mutekete ba bena Izrayele bavua bimane kumpala kua bimfuanyi abi. Ku bakulu aba, kuvua Yazaniya, muana wa Shafane. Mukulu yonsu uvua mukuate ku tshianza mbabula wa kuoshila manananshi. Muinshi wa musenga wa kamonya uvua ubanda mulu.

Yezekiyele 11:12

Diba adi, nenujadike ne: ndi Maweja-Nangila. Kanuvua balame meyi anyi, kanuvua bakumbaje mikenji yanyi, bualu nuvua balonde bibidilu bia bantu benyi badi banunyungulula.

Yezekiyele 23:14

Kadi Okoliba utua muenze bibi bipite. Dituku dikuabu, kumonaye bantu batuabu bazola ku tshimana, balaba mukubu mukunze. Bimfuanyi abi bitua bileja bena Babilone.

Dielulula 4:16

Nanku kanuenji bibi to. Kanusongi mpingu, kanuzodi bimfuanyi bileja mvidie, nansha bayileja bu bantu balume nansha bakaji,

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Dielulula 4:25

Nuenu bamane kushala matuku a bungi mu ditunga edi, didi Maweja-Nangila munulaye, nuenu bamane kulela bana, bapete ne bikulu, kanuenji bibi to. Kanusongi mpingu, kanuzodi bimfuanyi, bia tshintu nansha tshimue. Kanuenji malu mabi makuabu, adi Maweja-Nangila Mvidi Mukulu wenu ubenga, amufikisha munda.