Yezekiyele 8:1 - MUKANDA WA MYIDI MUKULU

¹ Mu tshidimu tshisambombu tshitua bena Izrayele mu bupika, mu matuku atanu a ngondu muisambombu, bakulu ba bena Yuda batua bafike kuanyi bua kunsombesha. Diakamue bukole bua Maweja-Nangila Mvidi Mukulu kuntulukila muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshisambombo, mu ngondo muisambombo, mu dituku ditanu dia ngondo, hanakadi nshikama mu nsubu muanyi, hakadi bakulu ba Yuda bashikama ku mpala kuanyi, tshianza tshia Mukelenge Yehowa tshiakakuma hamʼbidi hanyi.

Yezekiyele 8:1 交叉引用

Yezekiyele 20:1

Tshidimu tshia muanda mutekete, tshivuabu bamane kuya ne bena Izrayele mu bupika, dituku dia dikumi dia ngondu muitanu, bakulu bakuabu ba bena Izrayele kufika bua kunkonka ne: tshidi Maweja-Nangila musue menemene ntshinyi? Bobu kusomba panshi kuntangila.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Yezekiyele 14:1

Dituku dikuabu, bakulu ba bena Izrayele kufika bua kungebeja malu.

Yezekiyele 14:4

Ubambile bindi meme Maweja-Nangila Mvidi Mukulu mbamanyisha ne: “Padi muena Izrayele udi mutekemene amu kudi mvidie yende idi imufikisha ku bubi, ufika bua kumonangana ne muambi, kumukonka malu, meme Maweja-Nangila nemmuandamune, bilondeshile bungi bua mvidie idi muena Izrayele awu utendelela.

Bienzedi 20:33

Tshivua mulombe muntu nansha umue nkanu ya tshiamu tshitoke tshia mushinga mukole, nansha mpawungi, nansha bilamba.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Yezekiyele 40:1

Mu tshidimu tshia makumi abidi ne tshitanu, tshivuabu bamane kuya netu mu bupika bidimu dikumi ne binayi, kunyima kua dikuata dia tshimenga tshia Yerushalayime, amu dituku divuabu batshikuata, mu matuku dikumi a ngondu, bukole bua Mvidi Mukulu kuntulukila, kumfila mu Yerushalayime.

Yezekiyele 37:1

Bukole bua Maweja-Nangila kuntulukila. Mueyelu wende kungambula, kuya kunteka mu tshibandabanda tshialabale, tshivua tshiuwule ne mifuba ya bantu tente.

Yezekiyele 32:17

Matuku dikumi ne atanu a ngondu wa dikumi ne muibidi, tshidimu tshia dikumi ne tshibidi tshivuabu baye ne bena Izrayele mu bupika, Maweja-Nangila kungambila ne:

Yezekiyele 31:1

Dituku dia kumpala dia ngondu muisatu wa tshidimu tshia dikumi ne tshimue tshivua bena Izrayele bamane kuya mu bupika, Maweja-Nangila kungambila ne:

Yezekiyele 29:17

Dituku dimue dia ngondu wa kumpala, tshidimu tshia makumi abidi ne muanda mutekete tshivua bena Izrayele bamane kuya mu bupika, Maweja-Nangila kungambila ne:

Yezekiyele 29:1

Dituku dia dikumi ne dimue dia ngondu wa dikumi, tshidimu tshia dikumi, tshitua bena Izrayele bamane kuya mu bupika, Maweja-Nangila kungambila ne:

Yezekiyele 26:1

Tshidimu tshia dikumi ne tshimue tshivuabu bamane kuya netu mu bupika, dituku dia kumpala dia ngondu, Maweja-Nangila kungambila ne:

Yezekiyele 24:1

Matuku dikumi a ngondu wa dikumi tshidimu tshia tshitema tshi vua bena Izrayele bamane kuya mu bupika, Maweja-Nangila kungambila ne:

Yezekiyele 3:22

Bukole bua Maweja-Nangila kuntulukila kabidi. Kungambilaye ne: — Juka, uye mu tshibandabanda, nenkuambilemu bualu.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yezekiyele 3:12

Nanku, Mueyelu wa Mvidi Mukulu kungambula pa buloba. Meme kumvua panyima panyi tshiona tshikole tshia diyi, diamba ne: “Tutumbishe Maweja-Nangila, muaba udiye uleja butumbi buende!”

2 Bakalenga 6:32

Diba adi, muambi Elisha uvua wenza tshisangilu ku nzubu kuende ne bakulu ba mu tshimenga. Nanku mukalenga Yorame wa bena Izrayele kutuma muntu kudi Elisha. Kadi muntu awu kayi muanji kufika, Elisha kuambila bakulu abu ne: — Monayi bualu bua dikema! Mukalenga Yorame, mushipianganyi ewu, udi utuma muntu bua kunkosa mutu. Nudimuke, muntu awu yeye mufike, nuinjile tshiibi bua kabuedi to. Tukadi tunwua mene mukalenga Yorame pende ulonda muntu awu panyima.

Yezekiyele 7:27

Mukalenga wa ditunga neabuele mu madilu. Muana wa mukalenga kakutekemena tshintu. Bantu ba mu ditunga nebazakale. Nembanyoke bilondeshile mudi nsombelu wabu mubi. Nembalumbuluishe tshiyi ne luse, amu muvuabu balumbuluishe bantu. Nanku nebajadike ne: meme ndi Maweja-Nangila.”

Yezekiyele 8:2

Meme kumona tshintu tshifuanangane ne muntu. Muinshi mua tshimonu tshia tshintu atshi, meme kumona mubidi watshi umueneka bu kapia, ku mutu kua tshimonu tshia tshintu atshi, kuvua bu butoke bufuanangane ne tshiamu tshikunze tshibalakana bikole.

Yezekiyele 33:22

Dilolu muntu awu kayi muanji kufika, Maweja-Nangila uvua mundeje bukole buende, tshiyi mua kuakula kabidi to. Kadi pavua muntu, uvua munyeme, mufike kundi mu dinda, tshivua kabidi kamama to. Nkavua ngakula.

Yezekiyele 30:20

Mataku muanda mutekete a ngondu wa kumpala, tshidimu tshia dikumi ne tshimue tshitua bena Izrayele bamane kuya mu bupika, Maweja-Nangila kungambila ne:

Yezekiyele 32:1

Dituku dia kumpala dia ngondu wa dikumi ne muibidi, tshidimu tshia dikumi ne tshibidi tshivuabu bamane kuya ne bena Izrayele mu bupika, Maweja-Nangila kungambila ne: