Yezekiyele 7:6 - MUKANDA WA MYIDI MUKULU

⁶ Kuajiki! Nshikidilu wenu udi wenda usemena pabuipi. Wafiki. Mpindiewu udi pambidi penu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nshikidilu wafiki, nshikidilu wafiki, udi unutabalela; monai, udi ulua!

Yezekiyele 7:6 交叉引用

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

2 Petro 2:5

Bantu ba kale, Mvidi Mukulu kavuamubafuile luse. Wakalokeshila benji ba malu mabi aba mvula wa tshipupu. Kusungidilaye amu bantu muanda mukulu. Ke Nowa uvua ulongesha malu mimpe, kabidi ne bantu bakuabu muanda mutekete.

Yezekiyele 39:8

Eyowa, malu aa neenzeke. Akadi enzeka mene. Dituku dia kulumbuluisha bantu dimvua muambe dikadi dikumbane! Meme Maweja-Nangila Mvidi Mukulu, ndi njadika nanku.

Yezekiyele 21:25

Njila umue neafikishe bena mvita ba bena Babilone mu tshimenga tshia Raba, tshia bena Amone. Njila mukuabu neabafile mu tshimenga tshia Yerushalayime tshidi mu Yuda, tshivuabu bakoleshe ne bimana.

Yezekiyele 7:10

“Monayi mudi dituku dia tshilumbuluilu difika. Kabutu nekafike. Nudi anu nukengeshangana, nudi anu nuditambisha.

Yezekiyele 7:3

Mpindiewu nenufue. Nennunyoke mudi tshiji tshianyi tshingambila. Ndi musue kunulumbuluisha, ne kunufuta bua malu mabi mapite anudi benze.

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yezekiyele 7:7

Nuenu bena ditunga, mbamane kulongolola kabutu kenu. Tshikondu tshia ndekelu tshikadiku! Dituku dia tshilumbuluilu dikadi pabuipi. Pa mikuna mbila ya disanka neyijike. Bowa nebubuele miaba yonsu.

Muadi 4:18

Badi amu batutentekela, katuyi ne mushindu wa kuya ku yetu miaba. Diba dietu ndikumbane. Nshikidilu wetu udi pabuipi. Tukadi tufua!

Yezekiyele 12:23

Wambile bena Izrayele ne: meme Maweja-Nangila Mvidi Mukulu, tshiena mua kuanyisha bua bele kabidi kasumuinu aku to. Kabena mua kukela kabidi mu ditunga dia Izrayele to. Kadi ubambile ne: “Matuku akadi pabuipi. Malu adi Mvidi Mukulu uleja adi akumbana.”

Amosa 8:2

Kungebejaye ne: — Amosa, tshiudi umona ntshinyi? Meme kuandamuna ne: — Ndi mmona tshibondu tshia bimuma bimane kuboba. Ke Maweja-Nangila kunjadikila ne: — Eyowa, bantu banyi bena Izrayele mbamane kuboba! Nshikidilu wabu mmufike! Mbimpe babalumbuluishe! Nembanyoke, tshiyi luse!