Yezekiyele 7:12 - MUKANDA WA MYIDI MUKULU

¹² Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.

Mukanda wa Nzambi Dihungila Dikulukulu ne Dihungila Dihia-dihia 2003

¹² Tshikondo tshiakufika, dituku didi disemena ha buihi! Musumbi wa bintu kasanki biandi, muhanyi wa bintu kâshi madilu, bua tshiji tshikole tshidi tshihona hamʼbidi ha tshisumbu tshiabo tshionso.

Yezekiyele 7:12 交叉引用

Yezekiyele 7:10

“Monayi mudi dituku dia tshilumbuluilu difika. Kabutu nekafike. Nudi anu nukengeshangana, nudi anu nuditambisha.

Nsumuinu 20:14

Musumbi udi wamba ne: “Mmushinga mukole! Mmushinga mukole.” Kadi yeye mumane kuya pa nkayende udi udiela ka lumbandi ne disanka.

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Yeshaya 21:12

Kadi mutentekedi kuandamuna ne: “Bufuku bukadi pa kutshia, kadi tutshidi amu bufuku. Panudi basue kupeta diandamuna, pinganayi musangu mukuabu.”

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Yezekiyele 12:23

Wambile bena Izrayele ne: meme Maweja-Nangila Mvidi Mukulu, tshiena mua kuanyisha bua bele kabidi kasumuinu aku to. Kabena mua kukela kabidi mu ditunga dia Izrayele to. Kadi ubambile ne: “Matuku akadi pabuipi. Malu adi Mvidi Mukulu uleja adi akumbana.”

Yezekiyele 30:3

Nedikale dituku didi ne mavuba adi akuatshisha bowa. Nedikale dituku dia kulumbuluisha bisamba.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.