Yezekiyele 5:6 - MUKANDA WA MYIDI MUKULU

⁶ Bena tshimenga etshi mbabenge meyi ne mikandu bimvua mubambile. Bavua benza kabidi bibi bivua bena mutumba nabu kabayi mua kuenza. Badi bantu ba muoyi mubi, bapite matunga avua mabanyungulukile ku bubi. Bualu kabena bitabe ku mikenji yanyi, mbabenge kulonda meyi anyi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi bena musoko eu bakutombokela mikenji yanyi mu kuenza kua malu mahite a bisamba bikuabo ne a ba mu maloba adi abanyunguluka bubi; bualu bua bakuhidia mikenji yanyi, kabakuenda mikenji inakabafundila.

Yezekiyele 5:6 交叉引用

Yirmeya 11:10

Badi benzamalu mabi avua bankambua babu benza, kabayi banteleja. Badi banemeka mvidie ya bantu ba bisamba bikuabu, bayitendelela. Nenku bena Yuda ne bena Izrayele mbanyange ndondu umvua mutue ne bankambua babu.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Misambu 78:10

Kabavua banemeka ndondu uvuabu batue ne Mvidi Mukulu, bavua babenga mua kulonda mikenji yende.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

1 Korente 5:1

Tudi bumvue bamba miaba yonsu ne: kuenu eku mbenze malu a bundu bupite, adi nansha bantu ba bisamba bikuabu kabayi benza. Bualu badi balonda ne: umue wa kunudi udi usomba ne mukaji wa tatuende!

Yezekiyele 16:51

Kadi bubi buvua Samariya muenze mbukese. Kabuena nansha tshia bibidi tshia buuvua wewe muenze. Malu mabi auvua muenze mmapite abu bobu. Padibu babafuanyikija nebe, bobu bana benu bena Samariya ne Sodome, mbamueneke bu badi kabayi ne bualu.

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Misambu 106:20

Pa muaba wa Mvidi Mukula uvua butumbi buabu, kupingajabu lupingu lua ngombe udiadia bisosa.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

2 Bakalenga 21:9

Kadi, bena Yuda kabena batumikila Maweja-Nangila to. Menashe ke uvua mubafikishe ku dienza bibi bipite bia bantu, bavua kale mu ditunga adi, bavua Maweja-Nangila muipate bua kushilabu bena Izrayele ditunga.

2 Bakalenga 21:11

“Mukalenga Menashe mmuenze malu mabi a mishindu yonsu, mmupite ne bena Amore ku buenzayi. Kabidi mmufikishe ne bena Yuda ku ditendelela mvidie.

Nehemya 9:34

Kadi bakalenga betu, ne bamfumu betu, batuangaji betu, ne bankambua betu, kabena banemeka mikenji yebe. Bavua babenge meyi ebe, too ne mibelu iuvua ubabela nayi.

Nehemya 9:35

Ku luse luebe, bavua ne bintu bivule mu ditunga diabu, bavua badishikamine mu makalenga abu, bavua basombe mu ditunga dimpe dialabale. Kadi kabavua basue kukuenzela mudimu, kabavua balekele malu abu mabi.

Yezekiyele 11:12

Diba adi, nenujadike ne: ndi Maweja-Nangila. Kanuvua balame meyi anyi, kanuvua bakumbaje mikenji yanyi, bualu nuvua balonde bibidilu bia bantu benyi badi banunyungulula.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Danyele 9:8

Eyo, Maweja-Nangila wetu, tuetu, bakalenga betu, bamfumu betu, ne batatuetu, tudi tufua bundu, bualu tuvua babenge diyi diebe!

Danyele 9:15

“Maweja-Nangila Mvidi Mukulu wetu, pauvua mupatule bantu bebe mu ditunga dia Ejipitu ku bukole buebe, uvua mupete lumu lunene, luutshidi nalu too ne lelu. Kadi tuetu tuvua babenge diyi diebe. Nanku tudi bena tshibawu.