Yezekiyele 4:16 - MUKANDA WA MYIDI MUKULU

¹⁶ Kuambaye kabidi ne: — Yezekiyele, udi mumone ne: ndi musue kunyanga mampa onsu adi bena Yerushalayime balame. Bantu nebapime biakudia biabu, nebapime ne mayi a kunua. Nebazakale, bualu nebikale ne lutatu lukole bua kupeta biakudia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yeye wakangambila dî dikuabo kabidi ne, Muana wa muntu, tangila, nentshibule tshintu tshidibo beyemena mu Yelushalema bua kuangata bia kudia biabo, ne bobo nebikale ne bua kudia bidia biabo bilonda tshihiminu ne bakuatshika buowa; nebanue mai malonda tshihiminu kabidi ne mu dikuatshika dia buowa,

Yezekiyele 4:16 交叉引用

Yezekiyele 5:16

“Nennutumine tshiyole tshia nzala bua kunubutula. Nzala yenu neyinukengeshe, bu mudi mikete mitue ikengesha bantu, ibashipa. Nennyange mampa anudi balame, bua nufile ne nzala.

Yeshaya 3:1

Mfumu munene, Maweja-Nangila muena bukole buonsu, neanyenge bena mu Yerushalayime, ne bena mu bukalenga bua Yuda, bionsu bidi mua kubambuluisha: biakudia ne biakunua bidibu nabi mu mayeba, ne bantu bonsu badi mua kubatua nyama ku mikolu.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Yezekiyele 14:13

— Yezekiyele, padi bena ditunga kampanda bapia tshibawu, bantombokele, nembaleje bukole buanyi. Nennyange biakudia bidibu balame mu mayeba, nembatumine tshiyole tshia nzala. Nembutule nanku bantu ne nyama bia mu ditunga.

Misambu 105:16

Kubatuminaye tshiyole mu ditunga, biakudia kukepela.

Muadi 5:9

Bua kupeta tshiakudia, tudi tudiela mu njiwu ya lufu mu bipela mudi bantu basombela ne bia lufu ku bianza.

Muadi 1:11

Bantu bende badi batua mikemu, bateketa mu maboku, bakeba tshiakudia. Bavua bashintakaja bintu bia mushinga mukole ku biakudia, bua kupetabu bukole. Yerushalayime udi utendelela, wamba ne: “Maweja-Nangila, tangila, umone mudibu bampetula bikole.”

Misambu 60:3

Mvidi Mukulu wanyi, wewe uvua mutunyemeshe, munyangakaje mualu wetu wa mvita. Bushuwa uvua mufike munda. Kadi mpindiewu utupingajile bukole buetu!

Didimanyisha 6:5

Pashishe Muana wa mukoku kulamuna tshitampi tshisatu. Meme kumvua Tshia muoyi tshisatu tshianza ne: “Lua!” Nkenzakana, meme kumona kabalu kafiike. Uvua mubandepu uvua ne tshipiminu mu bianza.

Yirmeya 52:6

Tshiyole tshia nzala tshivua tshikole mu tshimenga. Bantu kabavua kabidi ne biakudia to. Ku matuku tshitema a ngondu muinayi,

Muadi 5:4

Tukadi tusumba mayi a kunua mu biina bietu, tufuta bua kuangula nkunyi yetu.

Yezekiyele 4:15

Maweja-Nangila kungandamuna ne: — Nanku ndi nkuambila ne: kuangatshi kabidi bunyawu bua muntu to. Wangate bunyawu bua nyama wa ngombe, ulambilepu biakudia biebe.

Amosa 4:8

Bantu ba mu bimenga bibidi, bisatu, bavua benda, bakoka makasa panshi, bakeba mayi a kunua mu tshimenga tshikuabu, kabayi baapeta makumbane. Kadi nansha biobi nanku, kanuena bapingane kundi. Meme Maweja-Nangila ndi njadika nanku.

2 Bakalenga 6:25

Mu tshimenga atshi, muvua tshiyole tshia nzala tshikole tshitambe. Bualu bena mvita abu, bavua balama tshimenga atshi bikole. Nanku bena tshimenga kusumbishangana mutu wa nyama wa mpunde, ku nkanu mitoke ya mushinga mukole muanda mukulu, ne kilo umue wa nkunde ku nkanu mitoke ya mushinga mukole itanu.

2 Bakalenga 25:3

Tshiyole tshivua tshipite bukole mu tshimenga, bantu kabatshivua ne biakudia to. Mu matuku tshitema a ngondu muinayi,