Yezekiyele 3:12 - MUKANDA WA MYIDI MUKULU

¹² Nanku, Mueyelu wa Mvidi Mukulu kungambula pa buloba. Meme kumvua panyima panyi tshiona tshikole tshia diyi, diamba ne: “Tutumbishe Maweja-Nangila, muaba udiye uleja butumbi buende!”

Mukanda wa Nzambi Dihungila Dikulukulu ne Dihungila Dihia-dihia 2003

¹² Hakumuka butumbi bua Yehowa mu muaba wakadibu, Nyuma wakanjula, ne nakuhua ku nyima kuanyi tshiona tshia kukanka kua buloba kunene;

Yezekiyele 3:12 交叉引用

Bienzedi 8:39

Bobu bamane kupatuka mu mayi, Mueyelu wa Tshijila kuambula Filipe. Muena Kushe nanshaye kumumona kabidi to. Kutungunukaye ne luendu, wenda usanka.

Yezekiyele 8:3

Tshintu atshi kuolola tshintu bu tshianza, kunkuata ku nsuki. Nanku, pavua Mvidi Mukulu undeja bionsu ebi, meme kumvua Mueyelu wende ungambula mulu mu kapepe, kuya kuntuluila mu Yerushalayime. Uvua muntuluile munda mua tshimenga, pabuipi ne tshiibi tshia tshimenga tshidi luseke lua ku mutu, muaba uvuabu bateke kabidi lupingu ludi lufikisha Mvidi Mukulu munda.

Yezekiyele 11:1

Mueyelu wa Maweja-Nangila kungambula pa buloba, kuya kunteka ku tshiibi tshia luseke ludi diba dipatukila lua nzubu wa Mvidi Mukulu. Pabuipi ne tshibuelelu tshia nzubu wa Mvidi Mukulu, meme kumona bantu balume makumi abidi ne batanu. Ku bantu abu mvua mumanye balombodi babidi ba bantu: ke Yazaniya, muana wa Azure, ne Pelatiya, muana wa Benaya.

Bienzedi 2:2

Bu mpindiewu tshiona tshikole kufuma mu diulu, bu tshipepele tshikole tshituuta. Kumvui-katshi mu nzubu mujima uvuabu basombe.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

Didimanyisha 1:15

Makasa ende avua abalakana bu tshiamu tshikunze tshivuabu bengulule mu kapia, bafinunuje. Diyi diende divua dienza tshiona tshikole bu tshibila tshinene tshia mayi.

Didimanyisha 1:10

Dituku di Mfumu, Mueyelu wa Tshijila kumvulula. Meme kumvua panyima panyi diyi dikole, bu muadi wa mpungi,

Yezekiyele 10:4

Butumbi bua Maweja-Nangila kumuka pa bakerubine, kubuka, kuya kuikila ku tshibuelelu tshia nzubu wa Mvidi Mukulu. Divuba kuwula mu nzubu wa Mvidi Mukulu tente. Butumbi bua Mvidi Mukulu buvua bumueneka mu lupangu lua nzubu wa Mvidi Mukulu, bukenka bikole.

Yezekiyele 9:3

Butumbi bua Mvidi Mukulu wa Izrayele, buvua budileja pa tshibidilu ku mutu kua bakerubine, kubuka muaba awu, kuya kuikila panshi pa tshibuelelu tshia nzubu wa Mvidi Mukulu. Maweja-Nangila kubikila muntu uvua muvuale bilamba bia buanda bua ndanda, mupayika ne kabuta ka bintu bia kufunda nabi.

Yezekiyele 2:2

Pawaye wamba bualu abu, Mueyelu wa Mvidi Mukulu kuntulukila, kungimanyika kulu. Meme kumvua uvua ungakuisha, ungambila ne:

Yeshaya 6:3

Batata belangana mbila ne: “Wa tshijila, wa tshijila, wa tshijila, Maweja-Nangila muena bukole buonsu udi wa tshijila! Butumbi buende budi pa buloba buonsu.”

Misambu 148:2

Batumibue bonsu ba Mvidi Mukulu, bamutumbishe. Biluilu biende bionsu, mutumbishayi.

2 Bakalenga 2:16

bamuambila ne: Tangila, tudi ne bantu makumi atanu badi ne bukitu. Tudi basue kubatuma bua baye kukeba mfumuebe Eliya. Bualu Mueyelu wa Maweja-Nangila uvua muambule Eliya, udi mua kuikala mumuimanshe pa mikuna, nansha mu tshibandabanda. Kadi, Elisha kubakandika bua kabatumi bantu abu to.

1 Bakalenga 18:12

Kadi, patuikala bashiyangana nebe, Mueyelu wa Maweja-Nangila neuye nebe muaba mukuabu undi tshiyi mumanye. Pangikala mumane kuambila Akabe ne: muambi Eliya wafiki, pikalabu kabayi bakumona, nebanshipe! Meme Obadya ndi ngitaba Maweja-Nangila muanyi muonsu, biangatshile ku buana buanyi.

Yezekiyele 3:11

Pashishe, uye kudi bantu ba mu tshisamba tshienu, badibu bakuate munemu mu bupika. Ubambile ne: “Telejayi bidi Maweja-Nangila Mvidi Mukulu wamba.” Ubambile nanku, nansha bakuteleje, nansha babenge kukuteleja.

Misambu 26:8

Maweja-Nangila, ndi mumanye nzubu uudi musombe, muaba uudi utuleja lumu luebe.

Yezekiyele 43:4

Butumbi bua Maweja-Nangila kubuela mu nzubu wende, bupitshila ku tshiibi tshia luseke ludi diba dipatukila lua nzubu.

Yezekiyele 43:5

Mueyelu wa Mvidi Mukulu kungambula pa buloba, kunteka mu lubanza lua munda mua nzubu wa Mvidi Mukulu. Meme kumona butumbi bua Maweja-Nangila buvua tente mu nzubu amu.