Yezekiyele 26:7 - MUKANDA WA MYIDI MUKULU

⁷ “Meme Maweja-Nangila Mvidi Mukulu ndi ngamba kabidi ne: Wewe tshimenga tshia Tire, ndi nkutumina mukalenga Nebukadnesare wa bena Babilone udi mupite bakalenga bonsu ku bukole. Neafume ku mutu kua ditunga. Nealue kukuluisha ne nyama ya tubalu, matempu, babandi ba pa tubalu, kabidi ne bena mvita bakuabu ba bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua Mukelenge Yehowa udi wamba ne, Tangilai, nentumine Bena Tulo Nebukadenesâ, mukelenge wa Babulona, mukelenge wa bakelenge, mufume biandi ku luseke lua nôde, muikale ne tubalu ne makalu a nvita ne babandi ba ha nyima ha tubalu ne tshisumbu tshinene tshia bantu bakuabo.

Yezekiyele 26:7 交叉引用

Danyele 2:37

Wewe udi mukalenga mupite bakalenga bonsu. Mvidi Mukulu wa mu diulu udi mukupeshe bukalenga, dikanda, bukole ne lumu.

Ezela 7:12

“Meme Artashasta, mukalenga wa bakalenga, ndi ntumina mutuangaji Ezra mukanda. Yeye ewu udi mumanye bimpe mikenji ya Mvidi Mukulu wa mu diulu, a.n.

Yezekiyele 23:24

Nebafumine ku mutu wa ditunga ne matempu a mvita, matempu makuabu a mishindu yonsu, ne tshiluilu tshinene tshia bena mvita. Nebikale ne ngabu, bamane kuvuala kabidi bifulu bia tshiamu. Nebakuele munkatshi. Nembumvuije tshilumbu tshiebe. Nebakulumbuluishe bilondeshile mikenji yabu.

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Yirmeya 52:32

Uvua uyukila nende ne muoyi muimpe. Kumupaye muanzu mubandile ku wa bakalenga bakuabu bavuaye nabu mu Babilone.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yeshaya 10:8

Bualu udi wamba ne: “Balombodi ba bena mvita banyi, badi ne bukole bu bua bakalenga ba matunga!

Yezekiyele 28:7

Nanku nenkutumine bantu ba tshikisu ba mu bisamba bikuabu bua bakuluishe. Nebabutule bintu bilenga bionsu ebi, biuvua musangishe ne meji ebe. Nebanyange lumu luebe.

Yezekiyele 26:3

Nanku meme Maweja-Nangila Mvidi Mukulu ndi njadika ne: “Wewe tshimenga tshia Tire, nenkunyoke bikole. Nentume bantu ba mu bisamba bivule bua bakuluishe. Nebabuele muebe ne bukole bu bua mavuala a mayi manene.

Yezekiyele 17:14

bua bukalenga kabuikadi ne bukole, kabaditambishi kabidi, bunemeke bimpe ndondu uvuabu bamane kutua ne mukalenga.

Yirmeya 25:22

— ke bakalenga bonsu ba mu Tire, ba mu Sidone, ne ba ku matunga adi dishiya dia mayi manene;

Yirmeya 6:23

Bena mvita ba mu tshisamba atshi badi ne buta bua mikete ne misongolu, badi ne tshikisu kabayi ne luse. Badi benza mutoyi bu tshiona tshia mayi manene. Badi babanda pa nyama ya tubalu, bamane kudilongolola bua kubanga mvita, bamane kuela mualu wa mvita, bua kukuluisha wewe, Siyone!

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Yirmeya 4:7

Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.