Yezekiyele 26:16 - MUKANDA WA MYIDI MUKULU

¹⁶ Bakalenga badi balombola bantu badi ku muelelu wa mayi manene, nebatuluke mu nkuasa yabu. Nebavule binkutu biabu, ne bilamba biabu bivuabu balengeje ne buanda. Nebasombe panshi, bazakala amu kuzakala, bakuatshika bowa pa kumona bidi binuenzekela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mu diba adi bakokeshi ba ku muelelu wa mai manene nebatuluke mu nkuasa yabo ya bukelenge, nebavule bilulu biabo, nebakohole bivualu biabo bidi ne malenda; nebashale ne dizakala; nebashikame hanshi ha buloba, nebazakale diba dionso, nebakuatshike buowa bualu buenu.

Yezekiyele 26:16 交叉引用

Yezekiyele 32:10

Nebakeme bua mushindu undi nkunyoka. Bakalenga babu nebazakale ne bowa, pandi nsempela ne muele wanyi wa mvita pa mitu yabu. Dituku diudi ukula muoyi, nebazakale kabayi ne dikisha, batshina lufu.

Yona 3:6

Lumu alu kufika kudi mukalenga wa tshimenga tshia Ninive. Yeye kujuka mu nkuasa wende wa bumfumu, kuvula bilamba bia bukalenga, kuluata bilamba bikayapale, kusomba panshi mu butu.

Osheya 11:10

Bena tshimuangi nebalonde Maweja-Nangila. Yeye udi udila bu nyama wa ntambue. Padiye udila, bana bende badi bafika, benda bazakala, batumina dishiya dia mayi manene.

Yobe 8:22

Nanku badi bakukina nebafue bundu, bantu babi nebajimine.

1 Petro 5:5

Nuenu kabidi bansonga, nutumikile bakulumpe. Kadi nuenu bonsu nudipuekeshe, nuambuluishangane. Bualu mbafunde mu Mukanda wa tshijila ne: “Mvidi Mukulu udi uluisha bena ditambisha. Kadi udi wambuluisha ne disanka badi badipuekesha.”

Yeshaya 3:26

Nenku mu tshimenga tshijima, nebateke madilu, nebadile miadi, bu mudi mukaji udi mujimije bana bende, ushala musombe panshi nkayende.

Misambu 35:26

Badi basanka bua diakabi dianyi, bundu bubakuate, bupuke lumu! Badi baditambisha, bampepeja, bafue bundu disu tente!

Danyele 5:6

mpala wende kutokoloka, meji kulubakana, bowa kumukuata, luzakalu kumupangisha luendu.

Yezekiyele 7:8

Mpindiewu, tshiena mua kunengakana kabidi to. Nennunyoke mudi tshiji tshianyi tshingambila. Nennulumbuluishe, nnunyoke bilondeshile malu enu mabi anudi benze.

Muadi 2:10

Bafidi ba ngenyi ba mu Siyone badi basomba panshi, bapuwa. Badi badiela buloba mu mitu, baluate bilamba bia madilu. Nsongakaji ya mu Yerushalayime idi yenda miname panshi.

Yeshaya 52:2

Lupuishi ndukulamate pambidi. Kadi wewe Yerushalayime, ditutula lupuishi elu. Juka kulu, uye kusomba pa nkuasa webe wa bukalenga. Wewe Siyone, uvua muena lukanu, disulula mionji idi mikunjingila mu nshingu.

Yeshaya 47:1

Maweja-Nangila udi wamba ne: Wewe Babilone, tuluka mu nkuasa webe wa lumu. Somba mu lupuishi. Eyowa, somba panshi pa buloba, bualu kutshiena mukalenga mukaji to. Udi mujimije mianzu yebe, kabatshiena bakuinyika ne: “Babilone, mukaji mulengele”, “Babilone, nsongakaji muimpe”.

Misambu 132:18

Nemfuishe baluishi bende bundu, tshifulu tshia bukalenga netshikenke ku mutu kuende.”

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Misambu 109:18

Ikale muntu wa mulawu, mulawu umubuele munda bu mayi, umubuele mu mifuba bu mafuta!

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Didimanyisha 18:9

Bakalenga ba buloba, bavua benze nende malu a bundu, basanke pamue ne bubanji buende, nebadile, bele miyenga, pamonabu muinshi wa kapia kadi kosha tshimenga.

Yeshaya 41:5

Bantu badi base kule, badi bamona bimvua muenze, bakuatshika bowa. Bantu ba ku nshikidilu kua buloba, badi basemena pabuipi, bazakala.

Yirmeya 48:39

Nudile muadi ne: “Mowabe mmubutuke! Mmumvue bundu, bualu mmunyeme mvita!” Bena mutumba ba bena Mowabe, badi babaseka, babatshina.

Yezekiyele 7:27

Mukalenga wa ditunga neabuele mu madilu. Muana wa mukalenga kakutekemena tshintu. Bantu ba mu ditunga nebazakale. Nembanyoke bilondeshile mudi nsombelu wabu mubi. Nembalumbuluishe tshiyi ne luse, amu muvuabu balumbuluishe bantu. Nanku nebajadike ne: meme ndi Maweja-Nangila.”

Yezekiyele 16:10

Meme kukupesha bilamba bizola bimpe, ne bisabata bia tshiseba tshimpe, ne mukaba wa buanda bua ndanda, ne tshinkutu tshienza ne buanda bua miosa ya nyama.

Yezekiyele 26:21

Bantu bonsu nebakeme batshina, pa kumona muudi ubutuka kashidi. Nebakukebe, kadi muntu nansha umue kakukumona kabidi to. Udi wamba nanku ke meme Maweja-Nangila Mvidi Mukulu.”

Yezekiyele 28:17

Wewe kuditambisha bua lumu luutua nalu. Wewe kuenza bu muntu mupale bua bungi bua bintu biuvua mupete. Ke pandi nkuela panshi bua bakalenga bakuabu bakuseke.

Agayi 2:22

Nengumushe bakalenga mu nkuasa yabu. Nenshipe makalenga pa buloba. Nentonkole matempu a nwita, ne badi baendesha. Nyama ya tubalu neyifue. Badi babandapu nebakuluke, bafue ku miele yabu.

Yezekiyele 31:15

“Meme Maweja-Nangila ndi ngamba ne: Dituku divua mutshi wa sedre muye mu dijimba dia bafue, meme kuenzeja madilu bua mutshi awu. Bualu bua mutshi awu, meme kuimanyika mayi a musulu wa muinshi mua buloba, ne a tusulu tuonsu. Bualu bua mutshi awu, ndi mutume midima pa mikuna ya Lebanone, mumishe mitshi yonsu ya mu mpata.