Yezekiyele 22:7 - MUKANDA WA MYIDI MUKULU

⁷ Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Ba munkatshi muenu bakuhetula batatu ne bamamu; ba munkatshi muenu bakukengesha muntu wa bende; ba munkatshi muenu bakuenzela bana ba nshiya ne bakashi ba na lufuila bibi.

Yezekiyele 22:7 交叉引用

Dielulula 27:16

“Muntu yonsu udi kayi unemeka tatuende ne mamuende, asangane muena tshibawu kuenza anyi?” Bantu bonsu ne: “Enze!”

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Zekâya 7:10

Kanukengeshi bakaji bakamba, bana ba nshiye, benyi nansha bapele. Kanuedi meji nansha makese, a kuenzelangana bibi.”

Yirmeya 7:6

Kanukengeshi muntu muenyi, muana nshiya nansha mukaji mukamba. Kanushipi mu ditunga emu bantu badi kabayi ne bualu. Kanutendeledi mvidie ya bantu ba bisamba bikuabu bua kudikebela diakabi.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Marke 7:10

Bualu Moshe uvua muambe ne: “Unemeke tatuebe ne mamuebe,” kabidi ne: “Muntu udi utshipa tatuende nansha mamuende, bamushipe.”

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Nsumuinu 30:17

Padi muntu useka tatuende, nansha ubenga kuitaba ku diyi dia mamuende, bikololu nebimutonkole mesu, biminyi nebimudie.

Nsumuinu 30:11

Kudi bantu badi batshipa batatuabu, bajana bamamuabu misangu yonsu.

Nsumuinu 20:20

Padi muntu utshipa tatuende nansha mamuende, neamone matuku ende a panu akoseka bu mudi muendu ujima mu miidima.

Dielulula 27:19

“Muntu yonsu udi unyangakaja tshilumbu tshia muana nshiya, tshia mukaji mukamba, nansha tshia muenyi udi munkatshi muenu, asangane muena tshibawu kuenza anyi?” Bonsu ne: “Enze!”

Dielulula 5:16

“Muntu yonsu wa kunudi anemeke tatuende ne mamuende, mundi munuambile. Nanku nenuikale bena diakalenga mu ditunga, dindi meme Maweja-Nangila Mvidi Mukulu wenu munupeshe bua nushalemu ne muoyi matuku a bungi.

Ekesode 21:17

“Muntu udi wela tatuende nansha mamuende milawu, numushipe.

Ekesode 20:12

“Nemeka tatuebe ne mamuebe, nanku neulale bidimu bia bungi pa buloba bundi meme Maweja-Nangila Mvidi Mukulu webe mukupeshe.

Ekesode 23:9

“Kanukengeshi muenyi, bualu nudi bamanye dikenga diende, bu munuvua penu benyi mu ditunga dia Ejipitu.

Dielulula 24:17

Kanunyangi tshilumbu tshia muenyi nansha tshia muana nshiya, kanumukengeshi. Tshilamba tshia mukaji mukamba kanutshikuatshi lukole to.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yezekiyele 22:25

Bu mudi nyama ya ntambue mikuate nyama ikungula, ke mudi balombodi benu bashipe bantu, bangata ne bintu bia bantu ba bende, bashipesha balume ba bungi, bua bakaji babu bashale bakamba.

Misambu 94:5

Maweja-Nangila, badi bakengesha bantu bebe, banyanga bumpianyi buebe.

Misambu 94:6

Badi bashipa mukaji mukamba ne muenyi, bashipa bana ba nshiya.

Yeshaya 1:17

Kadi enzayi malu makane, ambuluishayi bantu bua benzelangane bimpe, nukandike badi bakengesha bantu bakuabu. Vulukayi muana nshiye, bua apete tshidiye ne bua kupeta. Akuilayi mukaji mukamba.”