Yezekiyele 16:4 - MUKANDA WA MYIDI MUKULU

⁴ Pavuabu bakulela muntu nansha umue kavua mukose mumfu webe to. Kabavua bakoweshe mayi, kabavua bakufite luepu, kabavua ba-kuvuadike mikaya.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi ebu mbualu bua kuledibua kuebe ne mu dituku diakakulelabo kabakakosa dila dia ku muofu webe, kabakakuowesha mai bua kutokesha mubidi webe, kabakakulaba luehu, kabakakujingila tshilulu.

Yezekiyele 16:4 交叉引用

Osheya 2:3

Ambilayi bana benu ba balume ne ba bakaji ne: Maweja-Nangila udi unuinyika ne: “Bantu banyi,” kabidi ne: “Bananga banyi,”

Yoshua 24:2

Yoshuwa kubambila bonsu ne: — Telejayi tshidi Maweja-Nangila, Mvidi Mukulu wa bena Izrayele, wamba: “Ku kale, bankambua benu bavua base dishiya dia musulu munene wa Perate, batendelelamu mvidie ya bantu benyi. Bankambua benu abu bavua bena diku dia Tera, tatuende wa Abrahame, ne wa Nakore.

Dielulula 15:15

Nuvuluke ne: nuvua bapika mu ditunga dia Ejipitu. Maweja-Nangila Mvidi Mukulu wenu kunupatula. Ke pandi nnupesha mukenji ewu mpindiewu.

Genese 15:13

Maweja-Nangila kuambila Abrame ne: — Umanye bimpe ne: ndelanganyi yebe neyisombe mu ditunga dia bende. Nebayikengeshe, ishale ku bupika bidimu nkama inayi.

Luke 2:12

Nenumujadikile ku tshimanyinu etshi: nenusangane muana mutekete, mujingila mikusu, muladika mu tshidilu tshia nyama.

Luke 2:7

Kulelaye muana wa balume, muanabute wende. Kumujingilaye mikusu, kumuladika mu tshidilu tshia nyama. Bualu kabavua ne muaba mu nzubu wa tshilala benyi.

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Muadi 2:22

Wewe kubikila bena mutumba bamvua ntshina bikole, mudibu babikila bantu dituku dia disanka. Maweja-Nangila, dituku diuvua mufike munda, kakuvua muntu nansha umue uvua munyeme, nansha uvua mushale ne muoyi. Bana bamvua mukoleshe, bamvua mukongoluele mu maboku ne dinanga, muluishi kubashipa bonsu.

Muadi 2:20

Maweja-Nangila, tangila umone bantu baudi ukengesha. Bakaji badi mua kufika ku didia dia bana bavuabu balele, bavuabu bakongoluele mu maboku ne dinanga, anyi? Bantu badi mua kushipa batuangaji ne bambi, too ne mu muaba webe wa tshijila anyi?

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yezekiyele 16:3

Ubamanyishe miaku indi meme Maweja-Nangila Mvidi Mukulu nkuambila ya ne: “Kenaane nditunga dia bankambua bebe, muaba uvuabu bakulelele. Tatuebe uvua muena Amore, mamuebe muena Iti.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.