Yezekiyele 13:6 - MUKANDA WA MYIDI MUKULU

⁶ Bambi aba badi bambila bantu malu a dishima, babadinga. Badi bamba ne: “Telejayi malu adi Maweja-Nangila unumanyisha.” Kadi meme Maweja-Nangila tshivua mubatume to. Kadi badi amu batekemena bua nkumbaje miaku yabu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bakumona bikena kumona bia mashimi ne kutempa kua mbuku kudi kubadinga; badi bamba ne, Yehowa udi wamba dî edi, kadi Yehowa kakubatuma. Badi batekemena ne dî didibo bamba nedijadikibue.

Yezekiyele 13:6 交叉引用

Yezekiyele 22:28

Bambi benu badi babuikila bilema bienu abi, bu mudibu bela lupemba ku tshimana tshia nzubu. Badi bashima bantu, babambila malu amvua tshiyi mubaleje. Badi bambila bantu malu, babadinga ne: mmafume kudi Mvidi Mukulu. Kadi meme Maweja-Nangila tshivua mubambile bualu to.

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yirmeya 28:15

Pashishe, Yirmeya kuambila muambi Ananiya ne: — Ananiya, teleja bimpe. Maweja-Nangila kena mukutume to. Wewe udi usaka bantu aba bua bitabe malu a dishima.

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Yirmeya 37:19

Bambi benu bavua banuambila ne: mukalenga wa mu Babilone kena ubuela mu ditunga edi bua kunuluisha, wewe ne bena ditunga edi, lelu badi penyi?

Zekâya 10:2

Mvidie inudi nukonka malu, idi inuambila malu a dishima. Batempi ba mbuku badi banudinga, bilota bidibu bawilangana bidi bia patupu. Badi basamba bantu ne miaku ya patupu. Ke pavua bantu balalakana, bu mikoku idi ikenga, kayiyi ne mulami.

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

2 Tesalonike 2:11

Ke padi Mvidi Mukulu utshipaja mioyi yabu, bua bitabe malu a dishima.

Marke 13:6

Bantu ba bungi nebalue bangata dina dianyi, badiamba ne: “Memendi Meshiya!” Nebashime bantu ba bungi.

Yezekiyele 21:23

Maweja-Nangila kungambila ne:

Yezekiyele 13:7

Kadi ndi mbambila ne: “Malu anudi nuleja bantu, ne anudi nubalongesha, ki mmalu a dishima anyi? Nudi nuambila bantu ne: tudi tunumanyisha malu a Mvidi Mukulu, kadi meme tshiena munuambile bualu nansha bumue!

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yirmeya 29:31

— Utumine bantu badi mu bupika mukanda ne: “Maweja-Nangila udi wamba ne: Shemaya udi udiamba ne: ndi muambi. Kadi tshiena mumumanyishe bualu nansha bumue bua yeye kunuambila. Bu mudiye munusake bua nuenu kuitaba malu a dishima,

Yirmeya 28:2

— Maweja-Nangila Mvidi Mukulu wa bukole buonsu, Mvidi Mukulu wa Izrayele, udi wamba ne: “Ndi ngumusha mutshi wa bupika udi mukalenga wa Babilone muteke pa makaya enu, nengutshibule.

Nsumuinu 14:15

Muena bitabataba udi witaba bionsu bidibu bamuambila. Kadi muntu mudimuke kena mua kuitaba kayi muanji kuela meji.

1 Bakalenga 22:37

bualu mukalenga Akabe mmufue! Kuyabu kujiika tshitalu tshia mukalenga Akabe, mu tshimenga tshia Samariya.

1 Bakalenga 22:27

Ubambile ne: bele muntu awu mu nzubu wa lukanu mu dina dianyi. Bamupeshe kapese ka diampa ne mayi makese a kunua, too ne pangapingana katakata ku mvita eyi.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 23:16

Maweja-Nangila wa bukole buonsu udi wamba ne: “Kanuteleji tshidi bambi banuambila. Badi banuambila malu a dishima. Malu adibu banuambila adi mafuma mu ngenyi yabu nkayabu. Meme tshivua mubaleje bualu nansha bumue.

1 Bakalenga 22:12

Bambi bakuabu bonsu kujadika meyi awu, bamba ne: — Mukalenga, uye kuluisha tshimenga tshia Ramote tshidi mu ditunga dia Ngilaade. Neutshimune. Maweja-Nangila neafile tshimenga atshi mu bianza biebe.

1 Bakalenga 22:15

Mika ufika kudi mukalenga Akabe, awu kumukonka ne: — Mika, tudi mua kuya kuluangana, bua tuetu kukuata tshimenga tshia Ramote tshidi mu ditunga dia Ngilaade, anyi katuena mua kuya? Muambi kuandamuna ne: — Udi mua kuya. Neutshimune, Maweja-Nangila neafile tshimenga atshi mu bianza biebe.

Yirmeya 28:1

Tshidimu atshi, mu ngondu muitanu wa tshidimu tshinayi tshivua Sedekiya mu bukalenga bua bena Yuda, muambi Ananiya, muana wa Azure, wa mu tshimenga tshia Ngibone, uvua mu nzubu wa Mvidi Mukulu. Kuambilaye Yirmeya, batuangaji, ne bantu bakuabu bonsu bavua muaba awu, bamuteleja, ne: