Yeshaya 9:17 - MUKANDA WA MYIDI MUKULU

¹⁷ Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:17 交叉引用

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Misambu 147:10

Dikanda dia nyama wa kabalu kena nadi bualu, nansha bukole bua muntu kabuena bumusankisha,

Matayi 16:3

Mu dinda, padi kulu kufikuluke, nudi nuamba kabidi ne: “Lelu mvula nealoke.” Nanku nudi bamanye mua kujingulula bidi bienzeka padi kulu kuandamuke. Kadi munudi kanuyi mua kujingulula bidi bienzeka matuku aa mbishi?

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Yezekiyele 20:33

Ndi Maweja-Nangila Mvidi Mukulu udi ne muoyi. Nennukengeshe ne bukole buonsu. Tshiji tshianyi netshinunyoke bikole. Ke mundi nnuleja ne: ndi mfumuenu.

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Yeshaya 65:19

Meme kabidi nengikale ne musangelu bualu bua Yerushalayime ewu. Nenguwule ne disanka, pandi mvuluka bantu banyi. Kabakumvua kabidi mu Yerushalayime nansha miadi, nansha mbila ya dikenga.

Yeshaya 62:5

Eyowa bu mudi nsongalume usela muana wa bakaji, ke mudi Ewu udi ukuibakulula ushala bayebe. Bu mudi mubangila usankisha mumubangidi, wewe kabidi neusankishe Mvidi Mukulu webe.

Yeshaya 13:18

Nebase bansongalume mikete. Kabena bafuila bana ba ku dibele, nansha bana batekete bakuabu, luse to.”

Yeshaya 10:2

Nudi nubenga kuteleja bantu banyi, badi kabayi ne bukole. Nudi nubenga kupesha bapele, bidibu ne bua kupeta. Nudi nunyenga bakaji bakamba bidibu nabi, nuiba bana ba nshiye bintu biabu.

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Yobe 15:34

Eyowa, bantu badi kabayi batshina Mvidi Mukulu kabakulela kabidi nansha. Kapia nekabutule nzubu yabu, bualu bavua bayasa ne biuma bipeta mu buivi.

Misambu 109:12

Muntu kamufuidi luse to, kafuidi nshiya yende luse to!

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yeshaya 14:20

wewe kuena uya muaba udibu mu nkita to. Bualu udi munyange ditunga diebe, mujimije mashi a bena tshisamba tshiebe mu mvita. Kashidi kabakulela dina dia bena diku diebe, dia bashipianganyi kabidi to.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 31:2

Kadi Yeye mene ke udi mumanye tshia kuenza. Uvua mutumine bantu dikenga, bu muvuaye muambe. Uvua munyoke benji ba bibi bungi buabu, ne bonsu badi babambuluisha.

Yeshaya 31:3

Bena Ejipitu badi amu bantu, kabena mvidie to. Nyama ya tubalu idi amu nyama, kayena mikishi idi kayiyi ne mibidi to. Padi Maweja-Nangila olola tshianza, badi bambuluisha bakuabu nebadishinde, ne badibu bambuluisha nebapone kabidi panshi. Bonsu bubidi buabu nebabutuke pamue.

Yeshaya 40:30

Bansongalume mene, badi bateketa, bapungila. Nansha bilobu kabidi bitu bidishinda panshi.

Amosa 4:10

Ndi mutumine bimuna bienu masama, mumvua muenze kale mu Ejipitu. Ndi muanyishe bua baluishi benu, bashipe bansongalume benu mu mvita, banunyenge nyama ya tubalu. Mu mitanda yenu, mupuya wa bitalu mmunubuele mu mimpempe. Kadi kanuena bapingane kundi. Meme Maweja-Nangila ndi njadika nanku.

Amosa 8:13

Dituku adi nansha bansongalume ne bansongakaji, ba mubidi mukole, ne muimpe kabidi, nebafubidile, bafue nyota.

Yeshaya 5:24

Nenku bantu aba nebabutuke, mudi kapia kuosha bisosa, mudi ndimi ya kapia ilakuka ku bisuku. Nebabutuke bonsu mudi miji ibola, mudi bilongu biuma, bipona panshi. Bualu bavua badiwule dilongesha, dia Maweja-Nangila muena bukole buonsu, babenge diyi dia Mvidi Mukulu wa tshijila wa bena Izrayele.

Yeshaya 33:11

Meji onsu anuvua bele munda muenu, adi a tshianana. Panudi nukeba kuakumbaja, kanuena nupeta tshintu. Mueyelu wanyi udi bu kapia kadi kaabutula.

Yeshaya 33:12

Bisamba bikuabu nebabioshe, bishale amu butu. Nebabiele mu kapia, bu mudi bantu bela mu kapia mitshi ya meba buabu bakose.